早前一個討論pioneer維修有幾掂的帖子無故被消失

ivanavy

akira11092 發表於 2019-8-24 00:59
我都記得有咁既貼, 話說個師兄壞機送回 Pioneer 搞, 不聞不問
如果搞掂左既話其實唔使刪文

同意，作為香港咁受愛戴既AV forum，有版友遇到維修問題post上黎討論，就算代理處理好晒件事，最多都應該係板主上返個post 講返個follow up 或讚番代理搞返好，無理由成個post delete左佢，當無發生過。
此動作會令人懷疑係Pioneer要求刪post。
以上係小弟愚見，不喜勿插。

LoMichael@G

公信力不是一朝一夕可以建立到，相反要摧毀係好容易。
希望各持份者無論版主或版友堅持公平，公正，公開，講事實的原則。post76 才會繼續進步同受更多同好支持。

HD_2

香港九成出事都係Pioneer啊 大家唔好講太多

支持正版

https://post76.hk/forum.php?mod=viewthread&tid=308966&extra=&page=2&mobile=2
依位ching都要求管理員刪除訊息，但都冇做野喎

wil-wil

大家先冷靜點!! 等我了解下發生個情況係邊個要求邊個刪帖先!!

據我所知 ... 其實一向都有收到會員 PM (透過個人訊息) 要求代為刪帖，或網上以回覆要求刪帖，或係個主題改成刪帖，我地收到要求、或睇 post 時見到都會做!! (呢啲情況好多時係會員覺得解決左問題後而有所要求)

相反，我地絕無因應廣告或非廣告客戶要求而刪帖，反而我肯定咁話，特別幾個 AV 影音品牌都唔 mind 大家發現有問題有 bug 講出黎，如果香港代理可以即刻改善到的話，佢地就會即搞搞解決會員問題；如果廠方先能解決到的話，就只好等等廠方出解決方案，真係呢代機解決唔到嘅話，下代機都會改善，而個刻香港代理都會盡法以補償或其他方案替代。

直接認識過我地都會知，無論鋪頭買野出問題、定買機後部機一直無法解決唔知什麼問題，只要我或小瑟睇到個帖，都會主動代會員通知廠跟進，有時個情況我地會與該會員聯系了解多點、有時可能通知左代理後，佢地自己跟返足啲，但幾大鍋嘅跟進都唔會自動刪帖或順應代理刪帖，除非發帖個樓主要求!! 另外，好似我地搞嘅返歸試玩活動或現場試嘅體驗活動都好，都鼓勵好與壞 comments 都要講，更加唔怕因為大家彈完就無左個廣告 ...  因為小瑟創立 Post76 至今已經 17 年，佢一直都係玩家出身，一直就係想大家多分享，多彈多贊都無所謂，最緊要講，咁對廠方有影響力，令佢有改善嘅理由，得益先係玩家!!

我地咁樣玩法，亦一路有灌輸呢個概念比香港代理或廠方，所以我夠膽講多個 AV 品牌亦認同先一直同 Post76 合作，近年開始亦影響埋一些電視品牌，所以絕對唔會因為所講 "什麼廣告壓力而刪帖"!! 我地之所以做到大家所講嘅公信力，並非 Post76 有幾巴閉，而係有賴所有 76 嘅師兄弟肯出聲!! 其實如果大家話會影響 Post76 廣告收入係因為呢啲投訴而要搣聲!? 咁我麻煩大家出多些帖、有問題多出聲，因為每日發帖量高、多互動嘅討論先會真係會有客戶黎 Post76 落廣告，咁先可以做更多活動比大家試!! 我地其實一路都耕苦經營，能行到呢刻都係靠一眾 76 會員撐先有動力做落去，郁下就懷疑我地為錢，無引之餘亦被沒殺多年嘅心機!! 希望大家唔好理解錯誤，以為廣告收益大過天，可以肯定咁講，如果每位會員都收十蚊八蚊會費，一定好做過現在什麼廣告多多聲!! 所以無一班有心 AV 嘅會員就唔會有今日嘅 Post76，多謝大家!!

wil-wil

支持正版 發表於 2019-8-25 10:56
https://post76.hk/forum.php?mod= ... page=2&mobile=2
依位ching都要求管理員刪 ...

師兄，一日咁好多帖，的確會睇漏眼。唔好意思先!!   ... 不過呢刻想即刪帖又會想到，其他師兄睇到條 link 去唔到嘅，又唔知有無其想法，所以暫唔刪住，遲啲啲先! 有時做管理真係唔易，個個要解釋、要通知晒大家，咁又會多好多野做，所以又望大家體諒、諒解!!


Remarks:
我地一年搞 26-32 個活動，超過 60 場次，而 DES 又會另外搞到三日三十場，出圖文報導一年三百個左右、長短片約二百條，工作人數得六位 + 幾位 76 嘅好會員義務幫手，所以真希望你諒解下!! 有問題請提點，謝謝!!

小瑟

岩岩睇返呢個帖, 我再入去睇下 PM 我叫我刪帖既版先, 來回比對先發覺原來個PM係叫我刪其中一個帖, 呢次係我唔岩, 我對漏左叫我刪回帖的內容同樓主名原來係二個不同的會員, 今次事件真係非常抱歉, 該帖子已經回復, 而我就只刪返PM左我該回帖的會員帖子!!

在此小瑟向大家致歉, 下次收到PM時會睇清楚及再三RECONFIRM的情況下先做任何的刪帖!!! 謝謝大家的回覆, 再三對受今次事件影響的版友帶來不便致歉!!! 亦都非常感激好彩有一眾真心想76好的版友比的意見, 另到我會再重新檢視情況, 先唔會比件事錯落去!!

再三感謝大家支持, 真的非常抱歉, SORRY~
原帖已回覆 : https://post76.hk/thread-308511-1-1.html

wil-wil

小瑟 發表於 2019-8-25 21:20
岩岩睇返呢個帖, 我再入去睇下 PM 我叫我刪帖既版先, 來回比對先發覺原來個PM係叫我刪其中一個帖, 呢次係我 ...

大家明白睇錯左就好，感謝大王幫手!!

我借位重申一次，Post76 係唔會因為廣告而刪除代理或合作伙伴嘅負評，因為呢啲先係提升佢地產品質數嘅重要參考!! 相反，希望大家係到多些發言、多些有心分享。如個個私下 WhatsApp，無野係 Post76 到講，咁先會令佢地唔再借野出來玩!! 當然，我地都要再改善、再努力，做事小心些、想多些大家想玩嘅野齊齊玩，而你地有野就多提點、互相推動、咁先係玩 AV 嘅真正樂趣!!

siukeung

小瑟 發表於 2019-8-25 21:20
岩岩睇返呢個帖, 我再入去睇下 PM 我叫我刪帖既版先, 來回比對先發覺原來個PM係叫我刪其中一個帖, 呢次係我 ...

大王，其實很小事!在76年資耐也知你是會員利益優先，努力加油，不要氣餒，下次小心看清楚便可!!