[少量劇透]《上流寄生族》︰窮人力爭上游理想的破滅

粗人敵卡

關於奉俊昊，我只睇過佢套怪物片《韓流怪嚇》。由於那套電影實在太普通，之後我沒有再留意呢位韓國導演。直到今年他拿到今年康城金棕櫚獎，我才注意今次新作《上流寄生族》。到底他有何能耐擊倒昆頓塔倫天奴競賽片《Once Upon a Time in Hollywood》及其他參賽電影？

故事講述崔宇植飾演的大兒子得到好友介紹，去為有錢人朴社長的女兒做補習老師。然而大兒子並非大學生而是重讀生，他要假扮大學生為家庭賺取補習費用。電影中有件由大兒子好友送來的岩石，而該岩石作為一件象徵及意象貫穿全片。崔宇植、飾演父親的宋康昊一家人從岩石得到財運，「力爭上游」的機會，但同時令他們身處險境。大兒子從補習得到可觀收入，繼而欺騙朴社長、妻子等家庭成員讓自己一家人得到補習老師、管家等工作。電影前半段拍得相當過癮，飾演女兒的朴素丹用計令司機被辭退，換上自己的父親，當然那位女管家亦同樣被宋康昊等人逼走，過程充滿著幽默。

電影去到中段氣氛急轉，宋康昊一家人及被他們趕走的女管家各自發現對方的秘密。宋康昊等人扭盡六壬掩飾，而後來他們家裡水浸預示了最後結局。後段朴社長一家於其家裡舉辦派對，而劇情去到最後令觀眾措手不及(要知道就快快入場欣賞)。窮人終究無法融入有錢人的生活圈子，可笑的理想幻滅了。而結尾崔宇植望向戲院觀眾令人印象深刻，留下一個惆悵的落幕。電影演員演出恰如其分，近乎沒有一個角色係多餘的。戲中角色交流及場景揭示韓國貧富懸殊的慘況，宋康昊與代表有錢人的朴社長的身份對立，尤其是朴社長對白中的「越線」，他對宋康昊身體發出氣味的厭惡等等，導致電影最後一幕的「爆發」。

alleelarry

以往韓國電影多以參考外國作品，如今的制作不管大小都好有意思！

Hon

呢套戲真係今年暫時黎講我覺得超好睇既韓國電影...

電影由開始到結尾都用左好多相關既事黎切合整個故事編排, 但又未至於好深奧嗰隻, 所以好易就會明白.

韓流怪嚇以嗰時黎講對海外觀眾黎講係有D麻麻地, 因為韓國戲就等到我地既港產片, 拍出黎係本土特色既電影, 所以係幾普通, 但內裏意思細味下係好好, 相比今次呢套黎講真係變化好大, 完全係配合晒整個社會情況, 一流.

tinlunlau

殺人回憶都未睇？！雖然我自己都未睇殺人回憶，但我至少有睇過導演前年為netflix拍嗰套豬仔片“玉子”。玉子都正㗎，值得推介

gashapon

之前我怕太多劇情而無睇(因本身唔識韓文, 唔想太專注字幕), 反而有睇最近講火山那套. 不過既然得獎都會買隻碟睇.

ps: 本身我都好怕睇日本同韓國的電影, 不過近年有影過幾套, 講真感覺真係好好, 拍得住"西片". 有時都在想香港電影就十年如一, 睇唔睇都無咩所謂. 對上一套入場睇的香港電影已經是"寒戰2"