[少量劇透]《變種特攻︰黑鳳凰》︰悶、求其、懶

粗人敵卡

本來諗住Fox聲稱係佢哋拍變種特攻最後一集，起碼我覺得有頭有尾唔會差得去邊。唔知係咪Fox認為Disney會由頭reboot X-Men，索性草草了事。唔怪得爛蕃茄網評價跌穿20%。

故事基本上係X-Men The Last Stand變奏版，Jean同一班X-Men為敵。Jean開頭跟住一眾X-Men去太空營救太空人時，吸收了太陽耀斑能量後性格同身體出現變化，其後引來外星人注意，佢哋要侵略地球同招徠Jean加入佢哋。之後又好似The Last Stand咁，Jean 又唔再信Professor X，而個伏筆係摧毀咗Professor X嘅角色設定。Professor X個角色喺成套戲都奇奇怪怪，開頭似有黑化傾向後尾變番正常。其他角色又係寫得奇怪同Hea，磁力王同藍獸由想殺Jean都唔再殺佢嘅立場轉變交待不清同求其，原來有共同敵人就唔再打。而套戲嘅真正奸角外星人，我諗上集天啟寫得正過今集成倍以上。淨係交待佢哋要復興自己種族，所以要侵略地球同搵Jean，跟住再無交待佢哋背景。天啟奸角設定係公式化，但起碼睇到有心機塑造，而嗰班外星人連寫詳細啲都懶，死同唔死都無感覺。

如果大家想睇特技打鬥，真係無乜。都唔知翻拍咁耐做乜鬼，得最後一場火車戰好睇。其餘時間文戲居多，仲要係谷唔起氣氛嗰種，悶加揼波鐘，仲有一場係格硬令某位重要角色退場，令大部分X-Men與Jean為敵(記唔記得The Last Stand鐳射眼死咗嗰段?)。個結尾，外星人死咗一切如常。普通人對X-Men同其他異變人睇法?Professor X退休後藍獸同其他X-Men點樣執手尾？乜解釋都無。最唔滿意係Quicksilver出場過少，不過個演員話自己嗰期忙，得十日左右時間拍。

總括而言，今集X-Men拍得好求其，唔出好過出。

jc2ssych

堅係睇到嬲咗

幾集 Xmen 煲碟睇 special features, Simon Kinberg 監製講到頭頭是道。
一到佢做導演就出事。

有啲人注定講就凶狠，做就碌.......

Hon

我好俾面地睇左3D IMAX, 話晒原班人馬LAST一集就算LA...

睇得出個原因而令到套戲搞成咁, 不過算LA, 好過一拖再拖, 期待DISNEY會點REBOOT啦.

alleelarry

本來都打算明天去睇買一送一，50元可以慳返了吧！

horace_tsang

今日尖沙咀The One觀賞了。的確，今集故事上比以往遜色了，亦沒有什麽亮點，主要講述『珍』是怎様變強的，其他角色都只為襯托。打鬥方面是蠻不錯的，至少有我一直喜愛的Scott雷射眼，及最後烈車戰鬪都做到有特色，低音+震椅令我非常投入。當然珠玉在前，之前好多集做得好好，令今集少了亮點，都可以理解。要數最喜歡的X-MEN系列，我一定揀第一，二，三集，Wolverine盧根才是靈魂人物。

gashapon

我自己覺得又無出面講到咁差, 但就肯定不是"好". 我上網睇返佢地上映前2星期仲reshoot, 要改個結尾, 因為原本是上太空打的. 同埋外星人本來也是skrull, 不過由於captain奶媽用了, 所以只好改....

可能我自己有睇過漫畫, 其中一樣我最喜歡X-men是佢代表了"小眾", 例如當年mutants某程度代表了黑人, 同性戀etc, 外表上同"正常人"一樣 (先聲明不是說LGBT那些不正常), 能力上可能更高, 但卻被排斥. 我記得以前都講過, 點解人類咁怕mutants, 要困住佢地, 但咁多外星人來又唔驚?
jean grey由吸收了鳳凰之力, 到佢成為black quuen, 最後為了x-men犧牲自己, 係經過好長的鋪排. 依家就變了一個少女青春期有d情緒咁...

不過可能是FOX最後一次拍X-men所有佢地"don't give a F" 吧...但講真我唔想咩都marvel自己拍晒, 因為可能變成有d角色永遠無法出現到...

jc2ssych

gashapon 發表於 2019-6-11 05:49
我自己覺得又無出面講到咁差, 但就肯定不是"好". 我上網睇返佢地上映前2星期仲reshoot, 要改個結尾, 因為原 ...

十幾年前 X3 想講 Jean 既破壞力, 估計係根本寫唔到百幾分鐘 Dark Phoenix 既故事。所以都係用 Prof. X 和 磁力王的故事做主線。

三年前 Apocalypse 已決定由 Young Mutants 上陣, Jean 既鳯凰力突然可以打到天啟永不超生已經過份咗。

ltho3k

甘大獲

gashapon

jc2ssych 發表於 2019-6-11 13:35
十幾年前 X3 想講 Jean 既破壞力, 估計係根本寫唔到百幾分鐘 Dark Phoenix 既故事。所以都係用 Prof. X  ...

有樣我自己睇完都唔留意. 因為first class時都講了磁力王係1944年都已經10幾歲(無記錯佢係1933年出生), 即係去到今集92年佢都60歲了(但電影無刻意整老佢, 令我一開始以為佢地只是40幾左右)

我的理解又真係phoenix force係好勁, 不過搞笑地d 外星人好似咩事都無仲可以去"吸"d力, 所以最尾火車上一幕其實我覺得搞笑多過精彩...同埋我都好同意raven講prof x 今集變了好多, 為了討好人類就搵d隊員較飛.....其實quicksilver咁快, 好似上2集咁叫nightcrawler帶佢入去, 飲啖汽水再救個太空人+ jean都夠時間, 駛乜佢硬食d力量...