廿幾歲仔入坑玩家庭影院，請教各前輩選擇及擺位問題

bobiecheng

平平地既話就kef蛋，比多少少就 B&W

Lego

過來人, 問一問你短期內有冇打算要小朋友

要小朋友，你可以先行放棄高級喇叭（我個B&W 高音單元，俾兩個小朋友用野篤凹左，暫時只會當睇唔到)

superjacky99

Lego 發表於 2019-6-4 15:18
過來人, 問一問你短期內有冇打算要小朋友

要小朋友，你可以先行放棄高級喇叭（我個B&W 高音單元，俾兩個小 ...

師兄諗得好周到??我暫時未有計劃，可以玩多幾年先?

mwleung1

可以全用Elac 301.2 ＋procella p15。
不過長期要用sub 仔

tab

已有amp同喇叭, 建議駁黎用住先, 廳玩點都應該好過睡房.
2米x2米有靚喇叭都未必發揮到, 而且又要換amp, budget用黎換隻拾仔可能仲d.
建議:用返舊果套加隻拾仔睇戲打機用, 再搵對細喇叭加合併機仔聽歌

小瑟

恭喜師兄新居入伙, 2米x2米呢個SIZE其實好好玩的, 我又多事比下意見先.

1.前邊3隻我爬文見procella p5睇戲幾正，但未試聽，心水仲有b&w 皆因音響展聽過d聲底幾中意，請問前3隻兩三萬budget有咩推介呢，等小弟鎖定去試下。
其實你玩 5.1.2, 最好就全部都用同一牌子喇叭, 同MODEL最好, 不過當然都明白咁貴既喇叭好難買咁多隻, 所以我覺得你可以真係聽哂你想要既喇叭先, 再鎖定牌子係OK既. 新買最好一SET牌子咁玩會好D呢~

2.  subwoofer有大要大又擺得落既我搵到procella p12, 但要擺sofa既左邊牆,請問咁樣可以嗎?
呢個係OK的, 不過你要預SUB仔線要過到去就可以了!!!

3. 後置我諗過用b&w m1, 請問係咪放耳仔level好? 定我咁近應該升高佢地呢? 定話地方咁細用返minx12 慳返好過？
如果後置好似我咁, 冇天花的話, 耳仔高度再加2尺位就可以了, 太近耳仔好難SET出似後面來的音效的~

4. atmos 2隻用返minx12 ok嗎？係咪跟返dolby guideline 擺前少少tilt返向sofa最好？
你係玩FH .2 的嗎?? 如果係, 最好都跟埋後置喇叭一樣MODEL啦~高度單元指返向皇帝位企高位置就可以了!! 因為 FOR做返個天空聲場麻~

5. 後面個透光玻璃應該好影響反射(但蝸居想光猛d無計),我打算整個厚窗簾布吸音,咁樣會好d嗎?
有布就當然好過冇啦, 小個反射煩小樣.

6. 各前輩有冇隔音玻璃同隔音門推薦小弟呢? 以免影響房間另一半休息
如果你個廳後就係房, 基本上都冇咩方法可以唔影響到另一當休息呢~ 始終你要炸機又好, 唔炸機都好, 家庭影院做出來的動態聲, 同一間屋既人都好難唔影響到呢~

superjacky99

今日去左中環KEF同B&W showroom 試聲, B&W 707 細細隻已經好好聲, 層次同低頻都贏607一大截。至於KEF由於冇預約只能夠用R11試聲底，咁聽落梗係贏B&W書架一班。下次預約再去試對比下R3同607。話說各位師兄知唔知邊道有得試Elac呢?