終於聽完隻張學友, 我的感想:

timlee672

越聽越好聽喎,頭一次聽會覺得佢作狀,但越黎越有味道

mankoo米高

的確會有文化差異的，但你算後生喇，我喜歡張學友時，比較早期，
有一次聽到佢唱嘅新歌，wow....好喜歡，地點喺尖東夏宮disco，歌名係情已逝...
今日我買嘅cd都只係80..最多90年代初嘅作品，不論何時何地，聽幾多次都咁好聽，
90年代中打後嘅歌，我真係唔識聽，近幾年嘅作品，我更加......唉！(係我有問題)

話說有次倫永亮好奇怪咁請教黃沾：
沾叔，點解近代嘅音樂作品越嚟越難明，好難知佢究竟想表達啲乜？
沾叔答：音樂作品嘅風格係必然會隨住唔同畤代，文化而轉變，無話好定唔好，只有啱唔啱你！
沾叔答案是否比到大家一些對事物嘅啟發？ (本來我覺得係，好開心解咗自己多年嘅迷...)

直至有一日我聽返一啲5/60年代嘅老歌及古典交响樂時，我忽發奇想：
既然唔同年代有唔同文化，點解我除咗喜歡8-90年代初歌曲外，
又會覺得5-60年前什致近百年前嘅作品都咁好聽....嘅？
點解唯獨是90年代尾至今嘅作品(包括音樂及電影作品)無法喜歡，點解......

我明白,人到左一定年紀就會漸漸開始覺得對新歌聽唔入耳!
你咁想知就講你聽啦!我32(唔好話比人知!)
wilfred 發表於 2010-2-11 01:29

mankoo米高

你好記性，我聽3次，轉頭都唔記得.......

同意，而家d歌，聽完1次，ｌ個月之後都唔會記得翻.....
kleehkg 發表於 2010-2-11 02:50

jt24

我對中文版嘅Jazz歌都係唔多鍾意，總係覺得怪怪地咁，所以我都唔會買呢隻碟，download都費事，但係聽歌口味呢家嘢真係因人而異，所以有人覺得好聽，有人覺得唔好聽係一定有嘅！

wildwolf007

小第聽歌都好多年,比較雜食,由關正傑年代去都現在都有,
好多時都覺得70~80年年代係自己最愛,現在d新人真係少聽左,但係都唔係覺得原全唔入耳,
只不過係有部份真係頂唔順啦......有部份都唱得唔錯架.
至於學友呢隻,只係聽過幾隻歌,但係幾隻都唔係自己杯茶,所以唔會買.
我覺得冇話好唔好聽,只係啱唔啱自己口味.

lskthomas

呢隻碟, 開頭聽咗幾次都唔係好鐘意
無聽一個星期左右

早兩日聽番又覺得ok喎, 可能自己慢慢習慣學友的廣東jazz的唱法

點都好, 小弟覺得, 對學友, 對廣東歌黎講, 呢個都係一個較新及好的嘗試。

小龍

小弟比較喜歡聽60-70年代西方音樂...例如 Bee Gees, CCR , Deep Purple, Chicago,

Elton John, so and so......

廣東歌則掉轉...喜歡聽現今流行曲

jimmysiu

我覺得幾好聽(小弟係七十後)

ahnel

我淨係聽過首派台歌"迷你", 我覺得學友唱得好生硬, 比起偷閒加油站o既時候差好遠, 由其是最尾果句, 聽到毛管戙~

我係七十後~

ccting2009

我淨係聽過首派台歌"迷你", 我覺得學友唱得好生硬, 比起偷閒加油站o既時候差好遠, 由其是最尾果句, 聽到毛管戙~

我係七十後~
ahnel 發表於 2010-2-11 10:31

呢首啲歌詞好有問題潻, 完全唔知講咩....不過我有買到, 其實隻碟都可以接受..
我都係70後呀 ~~