又到打論文既時候啦 , 其實家庭影院post我就睇得多啦, 自己出都真係不知等左幾耐, 見襯ching們既裝備個個都堅過石堅 , 睇既時候都真係嘩嘩聲, 到左自己有自己既架生, 記得由最初得隻幕, 跟住就等左半年先買Z7同喇叭, 當日送到貨黎, 第一時間想起既, 唔係開箱睇玩具, 而係影相俾大家睇, 咁多位ching, 都應該好明白呢份感覺 , "勁想將呢個開心分享開去", 話哂係自己寶貝 呀麻!
其實成套野最鬼令我興奮既係projector, 到而家都仲好記得第一次在自己家中放100"幕既感覺, 好變態呀 , 早幾日我先同我老婆講, 我估我地已經返唔到轉頭, 日後睇親戲都走唔甩呢隻幕, 因為感覺真係好唔同呀, 睇演唱會時感覺更加明顯, 因為你真係好似買左400蚊飛咁, 個歌手係零距離對住你唱歌 , 雖然我完全無tune過色(有時間一定會努力學習), 但出黎既效果都算不過不失啦, 日頭放戲時, 因為屋企無用遮光布, 咪較返光D就一就囉, 當然無夜晚睇咁實淨啦, 但都唔會睇到頭暈!
至於部amp同套喇叭, 就一路感到佢既成長, 記得初時雞仔聲, 低音又實死死, 而家都好返D啦, 初時覺得D喇叭全部都好似各自發聲, 毫無連貫咁, 但慢慢聽聽下都開始有返D有D銜接啦, 最過癮係之前試套Gladiator, 明明裝左5.1only, 點解聽到正後方有人射箭過黎既 , 呢個feel真係好過癮, 就你地睇相所見, 我係無一部正正式式既blu-ray player既, 得部HTPC同PS3幫下手, 方便程度絕對不容置疑架啦, 但就點都會trade off左D質數囉, so far, 我試過兩部機出黎既畫面同聲, 立體感上都有分別! 但又未至於天同地比囉! 等我遲少少再出個詳細包膠啦!
P.S.: 多謝咁多位ching加分讚賞同一直以黎既意見, 亦都容我再次 多謝anthony兄, metro兄同Jason兄俾我家訪既機會, 等我更了解自己想要既野, 更要多謝Lemonstar之前曾經提供過少弟既室內設計建議, 仲出過幾張圖, 真係麻煩哂, 雖然最終都無合作到, 但之後上左賊船, 都不時幫上忙, 認真唔話得, 祝你生意越做越大, 玩具越玩越多, 身體健康, 家肥屋潤, 風調雨順, 國泰民安......  |
[複製鏈接]
樓主
發表於 2010-1-29 10:33
