大家番大陸行街要小心

Raphael

一個真實個案...
有一班大約8個師傅級的人馬於東門食飯.(當中包括兩4位有名的詠春高手,兩位打泰拳人士及兩個都有習武的人士)
係大大隻果種,飯晏中有人偷佢地0野比佢地發現,及時阻止及動左兩下手,趕走小偷,
跟住大約 ...
agnes_b 發表於 2010-1-26 17:19

多年前 (我估都有 9 年), 我仲讀梗書, 返廣州考察
喺麥當勞, 我地幾個人放低行李, 由兩個人睇住 (我同另一位同學), 其他人去買野食
有一個人, 突然好快咁喺我地身邊 (右邊) 跑過 ; 我地望一望佢, 之後察覺左邊 (放行李既地方) 有 "嚓" 一聲, 擰過左邊一望, 已經見到有另一個人 "納" 咗我地一個旅行袋, 想跑出門口! 我地於是立即起身追......
好彩嗰條友咁啱撞到一個捧住食物盤既人, 跌低咗; 我於是成個人瞓身 "責" 住條友, 兼搶返個袋
佢想推開我, 但唔成功, 居然狼死到用口咬我膊頭近頸個位! (好彩嗰時係冬天, 我著住厚衫先至無事)
我對住佢個肚 "中" 咗幾拳 (好似都有三四拳), 佢都唔肯放口! 我同學於是對住佢下陰踢咗一腳........佢先鬆咗口
我起身望返條友, 見住佢塊面由紅轉白.......好得人驚 (後來先至醒起, 我同學係學校足球隊踢波既)
我地之後無理條友, 成班人嗱嗱聲走咗

chingki123

大陸行街真係落返到離已經好彩,小第試過比班童黨前面滋擾,後面拉背袋,
好彩前面有幾個香港人幫手大聲渴走拒地先無事,第2次,就比電單車黨看中,
因我連友人2男2女,一出酒樓就發現有人看中我太太手袋,而馬路邊就有2
輛電單車不地跟我地,二話不說飛波入酒樓先無事,而且大陸又多流野A貨,
上大陸玩,no way.....

rikudoll

我都幾年無上詔去 , 因為實在太恐怖

rle18322

返大陸幾時都要打醒十二分精神.

tontontony

上大陸要扮到成個 "黑依" 咁最好~~我連結婚介子都唔敢帶~
大陸人話~
銀包放嚮後袋即係大家既~~
銀包放嚮前袋先係自己既~~

小瑟

我朋友剛剛打電話俾我訴苦,佢今日去左大陸行街,係東門俾人扒左銀包,所有証件同錢都冇晒,宜家佢老婆上左去救佢,仲要今日補領唔到証件,個辦事處職員話一日至少有200個香港人俾人扒左証件要補領,今日一定做唔切。
呢牌 ...
aiken 發表於 2010-1-26 16:18

東門不嬲都出哂名的!!!!

大玩偶

小弟好彩....
一個月都上幾次大陸...
一過關就係公司車接...
出出入入都有公司車...
就算係本地人....一樣單拖出街俾人打劫...唔好話你呢班港燦
除左係廠既地方....我真係唔敢一個人行街....

stm

我真係大鄉里，咁大個仔都未試過上大陸自由行。
因為聽得太多恐怖野，真係怕怕。

JKC710

今個星期五仲要返大陸添........好彩一出關有公司車接~

aiken

今個星期五仲要返大陸添........好彩一出關有公司車接~
JKC710 發表於 2010-1-27 01:21

師兄,千其唔好咁老定呀!我朋友係電話同我講,係補領辦事處到有個後生仔同佢講,一出關就已經俾人扒左銀包,仲慘過佢呀!