結婚年齡

阿定

作為男人，我要提提你，一個女人畢業後，出來做野後，對男人的要求會高左，以前未見世面的佢，可能可以用愛來補充身邊人的不足，但出來做野後，要求慢慢會高，人就會變，我當初細妹同件垃圾拍拖，我都無理佢，父母有d擔心，我都係同佢地講，當阿妹出來做野2-3年後，佢就知佢身邊呢件有幾垃圾，自然就會分手，老實講，我妹唔係要求特別高，果件垃圾其實都唔算好垃圾，起碼識叫人，唔煙唔酒，對我阿妹亦算唔錯，但上進心，消費模式，思想唔夠遠呢類，甚至萬一女仔變得比較貪錢亦不出奇！所以你呢個Case，我唔贊成你聯名儲錢，係我眼中，你呢筆錢係比未來老婆結婚用，但萬一有咩不測，你唔見左的唔單止係血汗錢，甚至會影響真真正正同你一生一世的人的人生計劃！

結婚擺酒各樣60~70k係impossible，當你未來外家唔收你50-60k禮金，你都要計下影結婚相，當日擺酒的雜費，你去一去esdlife、uwants、baby-kingdom討論區就知廿萬只係basic plan，結婚有錢賺已經不在存在，除非你擺屋村酒樓又或多朋友，否則你預擺一台蝕一台比較好！

30歲前供斷層樓，即係十年內供完，我真係想都無想過，呢方面比唔到意見你！

P.S.: 拍左10年(所以上面 Point 1 未必準，哈)，仲停留緊儲錢結婚的情況，供緊樓已經算對自已有所交代！

小瑟

結婚擺酒... 老實講...我家族傳統唔收禮..... 好鬼痴線....

另外一個問題係.... 同女友拖成 10幾年拖先結....  有點怪...
同埋女方家姐已經有意無意咁問我打算幾時.... ...
大玩偶 發表於 2010-1-25 12:39

我個人覺得, 等你女友做二年野之後就結婚差唔多勒, 因為你地其實都仲好細, 女友仲岩岩出黎做野, 等佢見多D野先結婚, 係處事同處理家事上會更成熟, 到時攪結婚D野都冇咁煩.

不過錢既野......雖然你想掉哂落層樓度, 不過好多時既野都係唔到你控制呢~~~

小瑟

哈哈~~睇埋白仔同老定既 POST.....我發覺我講野原來都好含蓄!!!!

小瑟

作為男人，我要提提你，一個女人畢業後，出來做野後，對男人的要求會高左，以前未見世面的佢，可能可以用愛來補充身邊人的不足，但出來做野後，要求慢慢會高，人就會變，我當初細妹同件垃圾拍拖，我都無理佢，父母有 ...
阿定 發表於 2010-1-25 13:42

岩呀, 60-70K係攪唔到結婚架, 小瑟死慳死底, 都要 25萬左右先埋到單!!!! 當然我都收禮啦, 不過COVER一半都唔夠!!!!!

小瑟

3個老鬼講同一樣野..
但真係好唔同風格...



不過心意一樣, 都係為左朋友好...
whiteshadow 發表於 2010-1-25 13:50

哈哈~~~我唔會認老既....我好後生的!!!

edhuen

我都和女友拍了7年拖, 已買了樓一起住, 正準備結婚, 但如定兄那說, 二十萬只是基本要求, 當然你可以儘量洗少D, 但當你真的準備時便會儘量想做好D, 因一生人一次, 自自然便會超出預算. 建議等你女友出來做野一兩年再認真談結婚

阿定

哈哈~~~我唔會認老既....我好後生的!!!
小瑟 發表於 2010-1-25 13:51

我只知我年輕過你兩個已經足夠！

P.S.: lemonstar list 得太詳細，搞到我又重左壓力了！

lemonstar

最緊要係有質素既親戚同朋友
收$500蚊一家4口黎, 你多幾圍呢d遠房親戚都幾大獲架

唔收禮~ 而家d人都一定比架啦, 點樣唔收?

wildwolf007

最緊要係有質素既親戚同朋友
收$500蚊一家4口黎, 你多幾圍呢d遠房親戚都幾大獲架

唔收禮~ 而家d人都一定比架啦, 點樣唔收?
lemonstar 發表於 2010-1-25 13:55

我試過收300舊水人情,
一個大人同5個小朋友,而呢5個小朋友都唔係佢0既,只係d朋友細路冇野做所以跟呢.......

小瑟

我只知我年輕過你兩個已經足夠！

P.S.: lemonstar list 得太詳細，搞到我又重左壓力了！
阿定 發表於 2010-1-25 13:55

我只知我年輕過已經足夠~~~

我有個結婚excle file, 比埋你既話你直頭肥肥坐左上你博頭~~~