新手買相機一問

bt1000bt

同意LUKALOK C兄講發
小弟都係用NIKON
不過NIKON D鏡比CANON貴唔少
樓主考慮埋呢野呀

ahnel

唔係惹火頭，lemonstar已代答，Canon一直都係發展單鏡傻瓜機為首要任務，試問買咗Canon嘅人有幾多唔用P制。知道點影相即係有基本知識，但未有DSLR又想買我就建議入Nikon。當然一入Canon/Nikon陣型只換body，開咗頭就 ...
lukalok 發表於 2010-1-25 22:42

錦又唔淨只Canon人先多用P-mode, 用Nikon o既玩到D300 o既用P-mode我都見過~
我又唔覺得Canon係發展單鏡傻瓜機為首要任務喎, Nikon都出唔少入門機啦, 只不過係Canon o既廣告做得好, 好多新買相機o既朋友都淨係會考慮Canon~
其實依家買Canon或者Nikon都冇所謂, 反正都係數碼年代, 以前各謂的品牌風格經己少左好多, 以前揀Nikon係因為佢d鏡好利同埋偏冷調有利風景攝影, 發展到依家用CMOS, d硬調子都不復再~

揀機我覺得搵多兩個熟路o既師兄帶你去試吓機, 自己摸上手玩吓睇吓邊部就手~

aidan

非常同意, 真係要有熟識相機O既朋友一齊去買.
聽過一個朋友个細妹, 一個人走去買相機...
買咗返來先知, 賣咗部DISCPLAY比佢支鏡又多塵.
仲要過咗成個星期先問我...可以點做
我只可以同朋友一齊去問有無得換機...結果
當然換唔到啦!!!

PP-HK

唔係惹火頭，lemonstar已代答，Canon一直都係發展單鏡傻瓜機為首要任務，試問買咗Canon嘅人有幾多唔用P制。知道點影相即係有基本知識，但未有DSLR又想買我就建議入Nikon。當然一入Canon/Nikon陣型只換body，開咗頭就 ...
lukalok 發表於 2010-1-25 22:42

ching我手快打錯字姐, 唔駛太執著, 係 '散景' 唔係 '散境', 我講緊既焦外成像, 同淺景深有關係但並不等同。而你講既canon係以發展單鏡傻瓜機為首要任務我並不認同, 用咁多年canon dslr我都冇乜用過p mode, 所以都冇諗過佢會係一部單鏡傻瓜機喎。而家d相機都發展到差唔多, 咁點解用nikon就唔算係單鏡傻瓜機, 還望ching指教。

雷因

錦又唔淨只Canon人先多用P-mode, 用Nikon o既玩到D300 o既用P-mode我都見過~
我又唔覺得Canon係發展單鏡傻瓜機為首要任務喎, Nikon都出唔少入門機啦, 只不過係Canon o既廣告做得好, 好多新買相機o既朋友都淨係會考 ...
ahnel 發表於 2010-1-26 12:15

totally agree~~~~~~~

lkljason

我都覺得睇睇身邊d朋友用咩機，有咩問題都會容易問到嘛！

lukalok

兩間廠都有入門機同pro機, 其實分別都有各自fans user, 我都有見過有少女blogger用D5000當傻瓜機。 "知道點影相"揀nikon, 係nikon o既舊F定焦鏡真係好值得用, 呢樣我覺得canon係無o既, 再高級D玩Leica鏡又得。AV同相機呢類器材都係講錢, o岩budget就緊要!

lemonstar

我嗰時冇朋友玩, 自己胆粗粗去入左部30d+50.8+tokina12-24咋
點解選canon, 因為鍾意佢個wheel!

坦白講, 用av mode唔難, 用m mode都一樣
邊個牌子又有乜所謂
用到1ds又好, d3s又好亦唔見會點靚d相
影靚相, 構圖, crop相, 反應, PS, 缺一不可
有好既機係要你識得點去發揮才行
到有技術嗰時先揀都冇相干

PP-HK

講鏡頭選擇, canon出名係萬能插, 加個接環就可以玩齊M42, 飲奶食菜, 連nikon鏡都可以玩埋。

ronaldlaw

幾年前有幸同一班攝影人一齊到鹿頸影相, 有位師兄身懷5d唔用, 攞部"canon"dc仔出黎影...  之後呢位師兄post左佢d相出黎, 同我地揸單反影出黎既影像有過之而無不及...   影靚相未必要樣樣都牌子先決, 價錢先決... 否則個個買部d3x或者1dsm3返屋企, 然之後裝三柱香拜一拜佢, 失打都唔洗噤就變成攝影大師.

講返買機, 最好去到相熟電器鋪叫佢攞哂出黎(你budget之內)比你試, 唔一定c記或者n記, pentax同sony都得...  邊部揸上手你自己覺得最就, 最有feel就揀佢... 同揀女朋友差唔多.
揀左佢返屋企之後就要多d了解佢, "av" mode又用吓, "tv" mode又用吓, "m" mode又用吓, 記住連"p" mode都要用吓, 影多d, 睇吓乜環境你用乜野mode最適合...  咁先係你去用部機, 唔係比部機去限死你!   

祝crazybull可以順利買到一部適合你既機!