終於比我等到"傷城"港版BLU-RAY(實物圖)

小瑟

我之前已經搵過呢套戲既BR版, 不過上年時仲未有, 只有大陸版, 我當然冇買, 因為冇繁中同埋冇廣東話, 所以果時只係買左DVD頂引, 睇過一次, 係我地依家呢個時代, DVD點頂丫.....最終都係只可以等......

早二個月前, 聽 KEN版主講, 話鉅星終於都有 SCHEDULE出呢套小瑟好鐘意既傷城BLU-RAY版, 心諗太好了, 終於守得雲開了, 係尋日, 比我毒左睇 BLU-RAY既同事晚上 7:00打比我, 話見到地庫德發有傷城BLU-RAY賣, 仲要係HKD$140蚊, 我再三細問怕佢見既係大陸版, 佢話有齊繁中字同 CANTONESE DOLBY TRUEHD7.1喎.....即時同佢講左八個字"麻煩即刻比錢唔好講野".

就係咁終於我都可以同城武, 朝偉係BD30上見面勒~~~

REPORT方面我今晚要去 YAMAHA既 SHOW, 所以應該下星期出個小小 REPORT比大家 REFERENCE一下啦!!!

lkljason

呢套戲咩原因令你咁喜歡呢？

小瑟

...................唔知呀, 鐘意二個主角, 鐘意個氣氛........雖然唔係無間既 FEEL, 不過好喜歡果重"戲"味重既感覺!!!!!
同埋我覺得我睇咁多套戲, 呢套我真係 FEEL到朝偉既戲味~~~

lkljason

未睇過，聽你咁講有機會都想睇o下！

小瑟

未睇過既可以一看既, 不過唔好用無間既感覺去睇, 會好失望~~~~

鐵心心

我都想睇下,未睇過e套戲

lkljason

未睇過既可以一看既, 不過唔好用無間既感覺去睇, 會好失望~~~~
小瑟 發表於 2010-1-22 11:37

放心，無間我都係睇過一集，亦都無試過翻睇，所以感覺都係一般！

小瑟

原來咁多人未睇過呢套戲架....!! 不過好多人都話好悶, 唔好睇, 大家小心呀~~

trd2000

拍攝氣氛真係唔錯,一套唔錯架港產片.{:1_337:}

horace_tsang

睇左，故事頗完整。

金城武和偉仔兩個不同性格的人物帶出寬恕和復仇的概念。金城武為查明女友之死變得頹廢，到最後知道真相卻因為寬恕而獲得重生。

偉仔為復仇而執著，手刃仇人卻發現並不快樂，最後更抱憾終生(所以片名叫傷城)。

所以我想導演想帶出「寬恕」的道理。