維修 Sony MDS-PC1 MD 機

hiukong

之前同網友平價入手左部 Sony MDS-PC1 MD Deck. 雖然細佬都有玩 SACD, CAS, 黑膠同卡式帶, 但 MD 又帶到俾我另一種昔日情懷的感覺 (唔駛同我講MD 其實係 MP3 質素, 我明). 只係買果陣賣家講明唔包遙控, 諗住無所謂, 因為我有隻 Logitech Harmoney 遙控, 照計上網下載返個設備的 profile 就可以. 點知搞左輪都係唔得, 唯有上網搵下資料. 舊機有個好處, 就係極容易搵到維修手冊. 細佬因為大學讀電子工程, 都有D基礎知識, 所以就跟下線路圖睇下有咩會有機會出錯. 發覺紅外線接收果部份無訊號. 上淘寶搵下有無替換零件 (因為本身個接收器太舊, 已經停產好多年), 又好彩搵到喎. 結果用 $3.3 人仔一粒的價錢買左幾粒, 襯放假就搞搞佢:

開始拆機

準備拆機

拆左機殼, 入面都幾乾淨, 保存得唔錯

開蓋, 要拆前板

跟住要拆前面板, 紅外線接收器在入面

拆開前板, 仲要甩埋塊線路板出黎

就係呢粒野搞搞震喇. 正常黎講呢粒接收器係好難壞, 真好彩

就係佢喇

換粒新的先

換粒新的入去

順手清下個光頭同磁頭啦. 係呀, MD 係有光頭同磁頭架

順手清下光頭同磁頭

掂晒, 用到個 Harmony 遙控, 安樂晒

掂晒, 用到遙控了

謝謝收看  

rchan0901

師兄，勁！

hokafai

咁都整到，犀利

rodywong

師兄，利害！小弟都有玩/聽MD, 不過說MD只是MP3聲音質數小弟不認同，現在家中服役的MD枱機是Sony JA-333ES, 可能此機是MD機末代時期出的所謂高端產品，當其時技術成熟，所以聲音唔差，我錄製的MD碟是用家中CD枱機經前後級錄在JA-333ES上，在家中用JA-333ES聽自家製的MD碟時覺得質數比得上CD聲音。

hiukong

rodywong 發表於 2019-5-7 16:53
師兄，利害！小弟都有玩/聽MD, 不過說MD只是MP3聲音質數小弟不認同，現在家中服役的MD枱機是Sony JA-333ES, ...

師兄你部deck 好正喎！我果部兩舊水的2手機外殼實在太殘喇。雖然我口講話係mp3質素，主觀認為絕對比mp3好好多，好接近CD。想請問下師兄由咩音訊入？本來我係接光纖去部 Denon SACD盤，但發覺只得CD 可以出到訊號，播SACD 時係乜都無。宜家改為接去部 DAC，因為Streamer 可以控制輸出 bitrate，變成咩格式都可以出到去部 MD Deck 度錄，質素亦唔錯。

rodywong

Hiukong兄，SACD唱放SACD片, 只能由RCA或XLR類比輸出音頻訊號，所以你部Denon SACD盤用光纖連接是出唔到訊號的。

小弟由MD出了不久時已經開始聽手提MD直到MD式微退出市場後才暫停玩MD，十年前有次路經深水埗某Hi-Fi店無意中見到有賣Sony 最後出的手提MD機 MZ-RH1，自己玩MD毒癮即時發昨，二話不説便買了下來同時買了20隻吉MD碟回家玩錄歌仔，當時只是用光纖由CD機直落部MZ-RH1錄歌，出來音質差強人意! 所以便開始研究怎樣提昇錄出來音質，玩玩下幾年下來買了多部手提MD錄歌/聽歌，不過都是覺得音質唔多得，其實小弟同時期都有玩HI-FI，最後把心一橫買了部二手MD枱機接HI-FI錄歌/聽歌，用過的MD枱機有Denon DMD 1550G / Sony JA-30ES 到現在仍然在服役中的Sony JA-333ES。

家中最早時期部擴音機是普通中低價擴音機没有Record Out/Line Out，所以錄歌時仍然只是由CD機用RCA直入部MD枱機，雖然音質有改善但仍未達到自己音質要求，後來自己又想玩埋黑膠及想將黑膠唱片歌曲錄落MD，因此周圍問人及上網睇擴音機評價，跟著晤洗講都知是換HI-FI，如果唔想由CD機用RCA直入部MD枱機錄歌，咁部擴音機一定要有Record Out/Line Out功能，這樣無論黑膠/CD/Blu-ray都可以和部MD機同步，這樣MD機錄歌時是 = CD-AMP-MD或 黑膠唱機-AMP-MD，錄出來的音質會靚得多，因此可以和CD音質不相上下。
家中擴音機有Record Out功能所以現在錄歌又快及有質數。

如果有空可以互相交流一下。

hiukong

rodywong 發表於 2019-5-9 12:29
Hiukong兄，SACD唱放SACD片, 只能由RCA或XLR類比輸出音頻訊號，所以你部Denon SACD盤用光纖連接是出唔到訊 ...

師兄我反而無試過用 Analog In. 宜家我部兩聲道合併機只用黎做前級, 所以個 pre-out 接左去後級度. 要諗諗辦法先. 但我覺得你個提議好正, 可以一試. 謝謝!

utdsfg

MD音質係比mp3好

devilmurphy

我記得 Sony 當年是標謗佢哋 ATRAC 技術是勝過 MP3 的；所以我當年都係聽 ATRAC 唔聽 MP3；記憶中好似玩到 ATRAC 3 就無再玩了。而 CD 錄歌就用 Optical 直去 MD 機 (MD Discman /MD Deck) 做 High speed 同步。

littlepower

高手，心機玩家，讚！