【會後討論】商戶特約: SoulNote+Spendor重振聽感一刻新感受

wil-wil

今次輝煌東哥安排呢次兩聲道嘅活動想比大家感受下 SoulNote + Spendor 係點嘅聲音!? 東哥自己就話非常之岩聲，而且佢仲話啲線材配搭都好重要，咁夾嘅就係 Acoustic Harmony ... 佢仲有啲小貼士分享下!!



咁阿 wil 雖然今天過唔到去玩，不過都開定個帖等大家會後分享下，等我同無出席嘅朋友都可以學下野!!!

-----------------------------------------------------------------------------------------------------------------------------------------------
Post76 玩樂網 「爆發影音‧新體驗」

MansonChau@G

今日有事黎唔到，唔該各師兄分享下情況
同埋有乜超旬價

issachar

第一次坐定定聽 SoulNote, 學東哥話齋 2 萬元樓下要 Made in Japan 要有呢個表現真係得 SoulNote...

而東哥今日 D 選曲比較偏向展現設備既功架...

旬價祗限今天... 所以都係自己上去搵東哥啦...

lamdog

無左Wil 總同大王係現場真係難免失色左啲，但勝在有東哥同雅詠既職員講解，男既俊俏，女既標誌動人（好小見女仔對音響咁熟悉），總算挽回不小分數，亦無被比下去。

講番今次活動（我都好耐無參加76舉辦既活動），地方非常之方便，係大家成日去既友誠。店主東哥非常友善同親切，本應一小時既分享會，最後玩左個半鐘，證明大家對 Soulnote 係好有興趣。

Soulnote 日本製造，日本馬蘭士班底，小弟未聽其聲，亦都已經係各大影音網站見其影，同我自己用緊套Naim 一樣，外表非簡約，無乜多餘既按鍵，所以都非常喜歡（簡單就是美），其實佢部機兩側既木板，比我覺得有種Hi-end既味道（聽講話港版先有呢個 Design)。

講番現場大大話話都應該有二百呎既聆聽空間，配上Soulnote 一套西裝+Spendor既座地，一開始聽既鼓樂聲，Mission Impossible 既緊湊電影配樂，現場既包圍感，細緻度，音場一一表覽無違，再來幾張人聲示範，包括女聲，京劇高低起伏都一一輕易駕馭，最後東哥容許小弟將自己帶來既玉置浩二同聽開既Gin Lee 示範都非常對辦，收晒貨。

唯一，我覺得播大棚既弦樂本人覺得有些小吃力，我唔知係Soulnote 問題還是喇叭問題，不過小弟好小聽管弦樂，但以萬幾蚊，二萬唔使既價錢，有咁既表演我自己
真係無投訴，所以用行動去證明比大家睇.......或者我係76人第一個用A1+C1套裝既用家都唔定。

最最後，我自己訂左黑色（但未有貨），希望到時可以開箱再同大家分享。

issachar

lamdog 發表於 2019-4-13 22:42
無左Wil 總同大王係現場真係難免失色左啲，但勝在有東哥同雅詠既職員講解，男既俊俏，女既標誌動人（好小見 ...

早知唔咁早走... 我原本都諗住東哥會唔會播玉置浩二呢... 點知呢次冇....

lamdog

issachar 發表於 2019-4-13 23:59
早知唔咁早走... 我原本都諗住東哥會唔會播玉置浩二呢... 點知呢次冇....

唔關事，因為我係第一場。

wil-wil

我地係 2016 年中環搞嘅 SoulNote 悠閑享樂一刻鐘兩聲道體驗會時，試過合併擴音機 SA730 及 CD 播放機 SC300，當時感覺同以往理解日系機尖聲感覺好唔同，相反聲低較厚，音色細緻!!! 而 A1 + C1 就未試過，所以等聽大家分享理解下!!

niroLee

wil-wil 發表於 2019-4-14 11:50
我地係 2016 年中環搞嘅 SoulNote 悠閑享樂一刻鐘兩聲道體驗會時，試過合併擴音機 SA730 及 CD 播放機 SC30 ...

昨天早走, 冇聽到價錢,但整套系列係物超所值, 但今次一改觀係spendor喇叭,A糸以前慢吞吞，同埋好立囉的感覺，第一場我聽到有朋友，帶咗玉置浩二精選第一首To Me試聽，東哥未聽歌前，已經講哂隻歌的故事，勁呀!  

我早前試聽過A1& C1推Lawrence audio 個喇叭十幾萬， 都推得到掂，相當有實カ，相信透過雅詠今次推廣，應該多好多朋友認識，讚 阿麥小姐的日文嘞嘞聲㗎，年紀小小音響知識都好豐富，下次再有機會，我都會參加架

lamdog

niroLee 發表於 2019-4-14 20:15
昨天早走, 冇聽到價錢,但整套系列係物超所值, 但今次一改觀係spendor喇叭,A糸以前慢吞吞，同埋好立囉的感 ...

坦白講，Soulnote 個價就唔算優惠，紛紛鐘街價仲可以平多少少添。如果連埋Spendor 坐地+Soulnote A1聽過價就吸引啲，但其實唔係真係咁多網友屋企容納到坐地，如果下次有埋書架喇喇大家選擇或者會更好。

Anyway，始終Soulnote 呢個品牌唔算太多人認識，even 我都係近呢半年先開始了解下佢既團隊同真正試聽，加上二手 value 應該無乜添，希望佢可以越做越好，白老鼠我就做左，希望到時可以出個開箱文比大家。