前三歸一

Benlu · 發表於 2019-4-3 23:11

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

本帖最後由 Benlu 於 2019-4-4 11:23 編輯

話說上年入左Revel C208中置後, 一直心思思諗住凑齊另外两隻前置, 無奈好事多磨. 直至上個月尾, 心儀已久嘅F208終於送到屋企, 當時駁好線随便試左下,唔,係我想要嘅效果,不過應該可以再好啲.於是乎,我馬上聯繫左秦朝代理袁生, 睇下可否抽時間上門賜教, 就係一星期之後,袁生同鬍鬚叔叔再次嚟到屋企. 一入門口, 袁生就笑笑口同我講,前三歸一卒之卑你恨到喇

而一向沉實嘅鬍鬚叔叔茶都未飲啖就即刻開波,經過一番忙碌後, 馬上就去到試機阶段,好期待

首先試嘅係麥當娜演唱會, Woo, 啲低頻直接打埋嚟, 但一啲都唔壓迫, 而係有層次咁一陣陣渗到身邊,直至包圍你全身.呢個時候鬍鬚叔叔話, 佢将中置啲線By Amp, 所以宜家出嚟啲聲勁左, 音埸闊左,不過又唔會令你覺得嘈吵. 演唱會之後梗係試下睇戲喇, 袁生放左段“忍者刺客”, 雖然套戲有返啲年頭,但啲聲效就一啲都唔失禮, 係Revel前三歸一嘅演澤下,啲聲埸澎湃有力,尤其係Rain獨舞鏈刀一幕, 感覺條鏈刀好似係身邊飛來飛去,特別係舞動鏈刀時帶出嘅風聲,簡直係刮落你身一樣,爽丫！見到我睇得咁過瘾,鬍鬚叔叔不失時機提示我, 話我套前三煲多一段時間, 出嚟嘅效果會更加出色,如果再為所有播放器材加埋釘墊就完美喇,我當然漯哂反應.

最後, 哂一哂我近期入嘅4K碟,有咗Revel,相信我一定會樂在其中