聽歌只愛Loop舊歌？漸對新歌無興趣？研究：因為你開始老了

小瑟

轉載 : https://holiday.presslogic.com/article/114936/%E8%81%BD%E6%AD%8C%E5%8F%AA%E6%84%9Bloop%E8%88%8A%E6%AD%8C-%E6%BC%B8%E5%B0%8D%E6%96%B0%E6%AD%8C%E7%84%A1%E8%88%88%E8%B6%A3-%E7%A0%94%E7%A9%B6-%E5%9B%A0%E7%82%BA%E4%BD%A0%E9%96%8B%E5%A7%8B%E8%80%81%E4%BA%86

好多人不論搭車、行街或者一個人Relax果陣都鐘意聽歌，但有無發現人大咗，就漸漸開始對新歌無興趣，甚至淨係一味Loop舊歌呢？外國有研究指出，原來呢個係大腦嘅自然現象，同時反映你開始老了！

Photo from 張敬軒 Hins Cheung



Photo from Youtube

法國串流音樂平台Deezer去年曾針對英國、法國、美國等共 5000多名成人用戶嘅聽歌習慣進行調查，發現當人嘅年紀大概到咗27歲後，就開始唔多想聽新歌，反而只會重複播放佢哋熟悉嘅歌曲，呢個現象被稱為「音樂麻痺」（musical paralysis）。

咁點解會覺得舊歌好聽過新歌呢？原來同大腦運行有相大關係！根據研究顯示，當用家聽到鐘意嘅歌曲時，會刺激到大腦釋放多巴胺、血清素、催產素等會讓人開心嘅化學物質。

加上人喺青春期會大量分泌荷爾蒙，如果當時聽到一首好鐘意嘅歌，大腦皮質會產生「踩雪地效應」，加深對該歌曲、旋律嘅記憶。所以大家對十幾歲時好鐘意嘅歌，好容易會覺得「聽極都唔厭」，成為一生都喜歡嘅歌啦！

不過呢個現象會喺20幾歲後開始放緩，並於30歲早期而停止，形成我哋嘅專一嘅音樂品味。

Photo from S.H.E @FB

然而，一個人喜歡聽舊歌當然仲有其他原因。好似係年紀漸長，人生經歷愈豐富，舊歌盛載著青春回憶，比聽新歌更有意義，又或者係工作太忙，已經唔會好似中學時代咁，肯花時間發掘新音樂，索性只聽自己愛聽嘅音樂類型。

Photo from YouTube



Photo from Youtube

不過總括而言，當大家發現自己成日Loop舊歌、無興趣探索新歌時，咁就代表已經步入音樂口味變得「成熟」嘅年齡階段啦！同時證明一個殘酷現實- 你開始老了！

資料來源：Business Insider

Text: Holiday Editorial

Johnson8hk

最重要係舊歌陪伴我們成長，經歷了人生的起落

kl122002

甘....
提早學聽古典, 可以防止暴露你的青春年齡秘密?

laiwingnang

會唔會因為而家D 歌質素差, D 人寧願打機都唔聽歌, 連十幾歲都一樣

小瑟

我諗諗下都覺得未必, 我岩岩先識聽QUEEN既歌, 都覺得好好聽, 仲日日LOOP, 咁應該係好唔好聽多於身體的變化呢~

old8woman

近年流行曲水準下降，是令很多人不想聽新歌主要原因……

psb

Hmm...要睇下邊類音樂同歌手，舊歌音樂同舊唱法好多都已經 out 晒接受唔到了，反而新音樂編曲同唱法更好。如果係流行曲，新一代歌手同組合其實唔係個個都差，唔輸蝕而且仲係唱作歌手添，唔覺得佢哋比唔上前輩級歌手。太留戀過去同自我封閉係一件好可悲嘅事，好多新音樂新歌去試聽都冇壞，隨時上 JOOX 可以試聽任何類型歌手，最怕係未仔細去聽就先去負面批評新歌唔惦。但聽歌亦都係好個人嘅，無論新或舊歌手，接受唔到就係接受唔到。例如小弟年代嘅四大天王被捧到好似神咁，聽清楚一啲就知掂唔掂去到邊，反而就敬佩前輩級 Leslie & Danny...etc.，買復刻碟追返佢哋。

補充一句，其實新歌舊歌可能同年齡冇關，但年齡同聽歌嘅 formats 就息息相關，年輕新一代係絕對唔會轉動隻膠用支針去磨嚟聽歌或拎住支針轉歌，有買 CD 嘅一半係為咗偶像相卡或紀念品，超多數係用 spotify／JOOX。

yvonne_chan

不同年代喜愛嘅歌手都唔一樣

Will

近年喜歡上EDM及電音歌曲
感覺上樂曲比從前更多元化, 亦多了歌手懂得高低轉音
反而現在聽舊歌感覺編曲不夠豐富, melody也很簡單, 很容易聽厭
但無可否認有些舊廣東歌無論曲風及節拍也很耐聽, 不過可惜係大多都是由日美歌曲改編才有這個效果

kl122002

其實每一代的人都年輕過.
比如我在剛戰後時, 聽貓王是最流行, 之後聽Beatles 是最潮. 但依然有人是覺聽舊英文單人唱的那種舊swing, jazz, 的jazz等等才是正道.
在70年代如果聽之前的exotic, latin 音樂都會被人說戀舊.
中文方面在粵語曲目開始放光的70年代-80年代, 也有人說應聽當年的國語曲, 甚至粵曲, 可以在當中聽其唱腔...
如今都是一樣

不可否定的是每一代的人都留下了錄音, 文字令 我們知道昔日某個時代下的"最好" , 也於是成為了一代代的經典, 也經常引用來比較.
比較不是一件壞事, 而少是一種參照.  然而過於依靠參照的原物來決定一切才是最壞的事.

豆丁有次在電腦玩起了一個電玩, 有一個DJ叫Marshmello 的在 一個名為Fortnite的game 中玩模擬Live , 聽過EDM, 是不錯的.
說白了EDM跟我在60年代的Latin, 70年代在disco 音樂很相似, 而新者的節拍是更快, 而轉音的位置比以前多.