我和細川綾子有個約會 (上集)

ce_tkk

先指聲明，呢個係一個超級葡萄post。

唔知大家在自己的音樂世界入面，會否有小小嘅bucket list 呢？幾年前，我同好多發燒友一樣，買了細川綾子的whisper of love 金碟，日煲夜煲，好似中毒一樣。我純粹地覺得她唱得十分好聽，百聽不厭，好舒服。及後，都追買左佢其他的專輯，例如Mr wonderful , Call me等等，當然唔及其他老粉啦。佢每一張專輯都唔會令人失望。另外，我自不然都會了解下當年三盲鼠的事蹟，日本jazz文化，山本剛先生等等。

當時，我在想，如果有一天，我能夠在酒吧裡聽到她的live，此生便少了一件憾事。直至上星期，真係夢想成真！

廢話講完，講返正題先。呢個活動，是在東京銀座酒吧區舉行的，主辦單位在一個星期日的下午，在銀座reserve左6間爵士酒吧，邀請左唔同的爵士音樂演奏/歌唱單位表演，形式上就好似大學上tutorial咁，聽完一場，就去下一場聽第二個，6間酒吧在附近，行幾分鐘就到。當然，我注意力只有在細川綾子身上。

由於綾子在第二場先有表演，我同友人決定第一場都去熱下身先。當日活動是要預先買定入場卷的，我托上托找到日本朋友預先購入門卷。日本的朋友好細心，早一日寄到我下㮼酒店，check-in時立刻收妥。

你睇，大拿拿成3000yen 一張飛，即係$200港紙左右，仲要可以睇三場，除返唔使HKD$70，仲要冇黃牛。你叫我點能夠忍到手唔來睇呢？

主辦單位講明，要參加者每場表演都要買最少一杯飲品，我估酒吧出地方都要維皮的。都係果句，1000yen一杯，做咩啫⋯⋯唔好咁啦⋯⋯咁抵！

眼見在坐，大部分都係50-80歲的中年人士、伯伯婆婆，全部都係爵士樂的小粉絲。大家都點了啤酒，威士忌，gin等等，仲會叫埋花生添。我同友人是唯一的非日本人。

等開場自拍，我同友人坐在前排近距離位置stool seat

第一及第二場： Orion Ginza

第三場： The deep Ginza

三場樂器：Piano, 單簧管, 大提琴

三場都係樂手玩三數首歌當熱身先，之後歌手出來唱四、五首作結

全場1小時，完結有15分鐘去下個場地排隊聽下一個單位

聽第一場當熱身

我估大橋高志同花岡詠二佢地夾左好耐

兩個輪流玩鋼琴同單簧管，好有默契

吉澤紀子都唱得好，但始終日本人唱英文歌有口音，好難投入

但整體來講已經不錯。

另外，藉得一提是日本人啲聲效做得好好，我見啲樂器都係unplugged, 淨係支咪有擴大，但出來效果出奇地好，氣氛充滿韻味，唔會um耳，值得一讚，我估佢地細地方攪mini concert 已經好純熟。我相信大家都試過，聽日本jazz cd時留意到觀眾同表演者互動時的聲音，包括掌聲，叫「yei」聲等。我今次真係能親身臨場感受。

如是者1個鐘完結，我嘅女神終於出現了。

我估身邊是她老公旁住佢。當日，綾子行動極唔方便，要用運動行山拐杖行動，左腳好似是受傷了。見她落一級樓梯要身邊四五個人扶實佢，真係登佢心痛。以佢身體狀況，真係令人憂心。

同時亦慶幸自己有生之年，聽到佢的現場拉闊爵士演唱。聲音會否都受影響呢？

Song list

Dream a little dream of me

These foolish things

Beyond the sea

Till then

We’ll meet again

佢一開金口，我有半粒眼淚流左出來，我從來也不能想像我真係可以真真實實的聽佢唱歌。佢果份鬆容，佢嘅唱功、餘韻、控制、味道、和樂手配合，實在是「天籟」。

我之前仲擔心佢身體行動唔太好，但佢把聲依然爐火純青，係同CD無異，喉嚨的震動憾動人心，勁正！身旁友人從未聽過佢唱歌，亦大讚佢好聽，very enjoyable 。亦有些日本人合上眼睛，如癡如醉的聽藉，可能就是歌姬的魔力吧！

值得一提，站在我前面的大叔聽聽下中風，跌倒一邊，佢太太同侍應即時抬走他。原來，真係可以「好聽到中風」?

我寫到呢道，我以為我自己發完夢，夠鐘起身，但原來，夢中可以有夢。

和女神合照一幀

其實有拍片，但上傳麻煩，未攪住

（上集完，下集再續）