Master & Dynamic MW07 鈹金屬單元無線耳機開箱評測

小瑟

鈹金屬驅動單元的 MW07 索價 HK$2,498, 依家來說都算係貴價的一類, 究竟值唔值呢個價呢??? 當你知道 LV 果隻其實都係 MW07 之後, 佢呢個價算平了!!!!



官方資料 :

美國高端耳機品牌Master & Dynamic閃耀登陸香港，於香港推出品牌首款真無線藍牙耳機MW07。Master & Dynamic MW07承襲品牌一貫的時尚高雅設計與音效完美的結合，藏於極具未來感的不鏽鋼充電盒內亦是純手工打造的真無線耳機。除了散發出絲絲高貴優雅，也使每一位用家在享受音樂的當下化身成風度翩翩的淑女紳士。每一對MW07均具備獨一無二的紋理*，其PVD不鏽鋼材質塗層下隱藏了10mm的鈹金屬驅動單元，同時配合支援aptX及AAC功能，為用家提供結實澎湃而又優美穏定的高音質輸出，亦確保用家無時無刻都可細嚐極致無間斷的音樂。MW07耳機具IPX4防水設計，於運動時配戴亦不成問題。3.5小時的連續使用時間，加上人手打磨不鏽綱充電盒可提供額外3次充電，續航時間長達14小時，無論運動或日常休閒使用都十分充裕。 MW07勝人一籌的設計和技術，為用家帶來了耳目一新的體驗，成為了都市人高尚的伙伴。

Master & Dynamic MW07真無線耳機 (龜甲啡 / 水磨灰 / 啞光黑 / 啞光鋼藍）HK$2,498

小瑟

開箱照送上!!!

doctor99

LV version HKd 8500

小瑟

doctor99 發表於 2019-3-8 20:36
LV version HKd 8500

所以呢隻相對平呢…

小瑟

係網上有人問, 對話同睇片的效果係點, 我係度分享埋啦!!
先講通話, 呢隻 MW07的對話我就覺得一般, 朋友話聽我講野好似去左外太空咁, 好唔真實.
睇片方面, 佢係有小小DELAY的, 不過唔係好勁, 小過半秒左右, 但係睇得出的~~

GaryNew

真係舊嘅唔去.新嘅唔黎......隻B&O H5都唔知幾時跌左都唔知.
聽慣左B&O的調聲,個人覺得好難轉其他品牌.
今日試過Sennheiser Momentum True Wireless. Aviot TE-01b.
最後都係揀左MW07.

cylwall

呢隻兩個月前買, 試咗幾隻由幾百到幾千的, 始終都㨂咗佢。  每日就算只得幾分鐘路上,都忍唔住要用佢聽下歌仔, 近幾年都冇乜試過有呢個感覺。

googleli

兩星期前買左LV版，以前出街用兩三萬蚊Layla和Tia Fourte都無人望，加埋條八絞線仲比D用Airpod的人好似怪物咁睇，用呢對反而注目度高，而音質在出街來講算可以接受，唯一不好是要陀埋個盒，LV個盒都幾重，用埋LV個套就仲厚，好難裝落褲袋，而家都唔用套了。

doctor99

小弟二月中買咗LV版本, 用到四月中開始少用左
佢整體嘅音質我都滿意，普通緩步跑輕量運動都冇掉出嚟
好難避免香港人比較喜歡和比較認識時裝品牌多一些，所以呢個耳機都會比較注目

反而小弟最近悶悶地玩緊大陸出嘅耳機，配條16絞嘅銀銅線真係俾人望望下?

patlee88

請問播片如youtube有沒有delay問題出現，謝謝。