偷運毒品 (SINE)

Sun811

小弟第一次在此發帖，請各位師兄多多指教。 首先講一講毒品內容先，因在此做了CDrom太耐，所以毒發身亡 ，唯有偷運毒品，第一號海洛英：SINE SW-2L UK （Premium） 英式雙位冷凍插座(白金)，第二號海洛英SINE SA - 5 Silver Cryo 英式分插 銀冷凍版；事原本人在此認識了Nano #302君，此君自認天生有特異功能，能使醜女變美女，為了貪圖美色，唯有敗了一條試試，小弟本來不信電可令影音有改變 ，甚至我的電工朋友都這樣講，但當此君入室後，住了三個星期的她，開始令我的cheap cheap 2709W monitor 起了變化，香港早晨o既女主播點解靚o左o既？ 畫面光o左及sharp o左，此情況更令小弟毒液上腦 ，日思夜想都是如果我連個蘇面和拖板都換埋，咁唔o係 但小弟心內的鴻圖大志不止這樣，首先，我要換電視！ 所以唯友向老細申請o左先 ，我開始發功，用我的嫦娥神功，終於用了一個月時間令她降服了 。後來便與老細一齊去找我心目中的目標(Pan記G10) ，老細果然識貨(如果唔o係佢都唔會揀到我 ），佢都話G10色水好過其它牌子，好！一於決定買佢，但是，佢太大，放唔入我個組合柜 ，天啊！無理由會唔得o既，我要拆柜 ，又要向老細申請過 其實我老細是明事理的人，好快攞到批文，開工！在這等待改建組合柜時期，小弟真是急不及待電眼美人的美色 ，終於在電視未買和柜未改的情況下偷運了以上的毒品，當回家時興幸老細正在講緊電話，大好時機啊！ 這時當然要做o既事梗o係藏毒先啦 ，翌日，終於等到老細返o左工，而我便在返工前，當然要攞D毒品出o黎索一索啦 ，唔索由自可，一索就死啦，點解比以前蒙o左D o既，o係唔o係我未瞓醒哩？o係唔o係發緊夢呀？大拿拿洗o左幾千銀，Oh No!!!! ，都o係去廁所先個面刷個牙先。好，當先完面刷完牙後，再去睇一睇，大件事，點解同以前一樣o既，好似無乜分別喎！ ，再睇真D，個女主播醜o左o既，個唇上有D毛毛o既，再睇耐D，又好似靚o左D喎！唔通心理作用？不過唔可以再睇啦！要趕住返工，又o係藏毒時間， 當我還原一切後，再開個mon一睇，死啦！點解比吸毒前無咁sharp o既！原來之前不是心理作用，這隻毒真是有料到o架！ 到現在唯有等待另一個時機，把這個毒品換過來玩住先，其實我只是試了拖板，牆蘇都未換，我相信集齊所有毒品後，必有一番新景象，希望過新年前可以完成，寫這篇文目的都是為了抒發一吓內心的心路歷程，相信當中一些小節會與一些師兄會有共鳴，寫得不好，請勿見笑，多謝收看，。

hkbomberman

Good story!  

zz9999

連毛毛都見到....

kingleecm

3個星期又3個星期

煲煲佢先啦

carpediem

恭喜成功偷運毒品, 期待你日後的詳細報告, 謝謝分享!!

raymond430

ching你嘅所作所為,簡直.............值得我 認同,感同身受.

Metropolis

師兄一係唔出手, 一出手(口)就乳出驚人...唔係, 係語出驚人

Sun811

都o係多得哩道D師兄常常放毒，助我升仙姐，不過都o係自己衰，姣婆唔守得寡。
我是新仔，無論哩道或影音，都要向哩道D師兄多多學習。

Sun811

Hello，大家好，我哩個道友又返來啦！吸完毒果然精神D！因為作晚我又有一個黃金機會，可以換走我隻cheap cheap拖板，就是幫個組合柜攪衞生，我老細都好出奇，佢問我你做乜搬開晒D　
o野？我心諗，唔搬開點換走個拖板，但我當然唔會咁同佢講啦！我話遲D會改組合柜，清潔定等個師父來做o野。好啦！萬事俱備，當我睇住老細一步一步的走進沖涼房時，我心內倒數三、二、一，開工！，因我已事先做好準備，我可以即刻換個拖板，插過晒D線，過程真是既緊張又剌激，終於在老細出來之前換好o左，電視效果之前已試過，當然想試我個高清播放器的效果啦，但當我想試o既時候，o依！點解無畫面o既！後來我好似個儍老咁自言自語，點解唔得o既！點解唔得o既！終於比我老細發現o左，其實佢只是發現我儍o左，佢問我乜事？我話無o野睇，佢話我實o係插錯線啦，我話我已經跟過晒D線，應該無錯，但原來聽老細話o係無錯o既，我再睇D線，原來我有一條HDMI線和另一條對換了，開機再試，有畫面啦！本來即刻想試，點知老細一句：夠鐘瞓覺，收機！Oh No!!!!我重未試o架！不過我想起，明天等你返o左工，一覺瞓到天光，又o係我吸毒o既時候啦！開機！！當然要試D正o野啦！三點式model真o係正，唔好心邪，是一D高清demo片的內容姐，我只可以形容我當時個咀o係咁樣，原來個model件泳衣o係有水珠o架！我試完一套又一套，睇到我都唔想返工，唔單只畫面，連聲都好o左，但一早我唔敢開太大聲，但都feel到部Amp力水好o左，推到底頻潛深o左，真是日日有驚喜，希望有吸開這隻毒的師兄，可以分享一下要煲幾耐才會進入狀態。

carpediem

very funny story especially the kiss from the model, congratulation!!