日本郵寄 (黑膠碟) 攻略

takeishi

  買碟買到爆喼~行李超重. 唔駛怕！
日本郵寄黑膠碟攻略~ 回程唔駛搬到隻 Dog咁
  去日本掃碟，一不小心就會買到爆喼，尤其是大阪和東京這兩個熱點，今年我掃碟就真係超出我預期之中咁多碟. 收獲極其豐富. 粗略估計. 大碟買左300隻. 細碟7"吋都有100隻. 所以~我去到第四日已經要寄一箱碟返香港先啦. 跟住第7日又要寄多箱. 去到東京. 最後一站. 本來諗住唔駛寄啦. 有成35Kgs行李額點都夠啦. 不過最後都係要寄多一箱返香港. 即係前前後後我今次個旅程總其寄左3大箱野走. 運費都要成2萬幾円. 不過~我走果時真係好舒服. 走得好輕鬆. 唔駛搬d碟搬到好似隻狗咁去機場. 又要搬返屋企. 辛苦到死.






  郵便局 ~ 最快又最貴既郵寄方就係EMS啦.  但係如果唔急既. 我通常都係會寄最平既方法. 就係"船"
快起上黎. 我試過3個禮拜就收到. 慢極都係5個禮拜就咩都到. 價錢平過寄EMS差不多3份之一, 真係平好多. 不過就要等.



日本郵寄行李攻略 － JP郵便局
JP郵便局的國際郵寄服務有4種方法，而且收費各有不同，分別是空運、經濟空運(SAL) 、船運和EMS。空運、經濟空運(SAL)同樣是空運，但後者會更便宜和更快，但不是每一個送達地區能使用經濟空運(SAL) 。但香港地方可以使用，送達時間大約是3至6日。船運最便宜但最慢，需要1至3個月不等。而EMS就最快，2至4 日就能送達，但價錢是最貴。
大家只要上JP郵便局官網就可以找到各郵局的地址和營業時間。郵便局好多時都有D別註既朱古力賣架. 見到唔好錯過.



  4 種方法運費比較
重量  /  EMS /  空運 /  經濟空運(SAL)  / 船運
5kg       6,300円   4,850円    4,200円  2,800円
10kg  10,500円   7,850円    6,700円  4,300円
15kg  14,500円   9,850円    8,200円  5,500円
20kg  18,500円  11,850円  9,700円   6,800円
25kg  22,500円 13,850円   11,200円  8,800円
30kg  26,500円 15,850円  12,700円  9,300円

注意郵寄重量限制,  
每個郵包的重量限制為30kg，長度必須在1.5米以內，而長度 +周長必須在3米以內。
禁運物品~如果你的包裹裡有任何一件禁運物品，都會被遣返到你在日本投寄的郵局，所以大家投寄前要檢查清楚確保沒有禁運物品，例如是火藥類如爆竹、彈藥、色情物品、可燃性物質等等。




  咁至於點樣 PACK 呢~日本到處都係超市便利店. 你夜晚黑隨處都可以執到D唔要既紙樣箱.
唔想執紙皮箱. 去郵便局買啦. 一樣有齊各種唔同SIZE既紙皮箱俾你揀. 之後呢就係去買兩卷封箱膠紙.
慢慢執封好之後就拎去寄, 十分之方便.

takeishi

第一站 (大阪) ~ 今次我揀左WBF HOTEL, 難波果間. 好近日本橋. 貪佢方便行過去唔駛十分鐘就可以掃碟. 不過間郵便局就鬼咁遠. 行成兩條街先到. 我搬住成箱碟. 成21kgs咁鬼重. 真係幾難頂. 不過~好彩. 哈哈. 晌條街度.俾我見到有架手推車仔放左晌度和. 咁都俾我偶到. 於是暫借住黎用住先. 推去郵局. 用完之後當然我放番原處啦,.正所謂有借有還., 上等人也.

takeishi

  第二站 (名古屋) ~ 其實我都係諗住寄一箱架昨. 點知去到名古屋.  又買到幾拾隻. 不過無大阪咁多. 始終名古屋碟鋪都小過大阪. 但係都俾我掃到50-60隻. 都差不多成箱架啦. 唉~無法啦. 我又唔想咁重搬佢去東京. 於是又寄多箱. 連埋買左既書呀. 手信. 雜物. 一次過寄走. 所以. 晌名古屋去東京呢程. 真係好舒服. 個喼重輕過起程果陣.









  好彩~今次我醒啦. 問酒店借架手推車仔. 車箱野去郵局.










  回程啦~推番架車仔還返俾酒店.  寄完箱野. 又可以買過. 從0又開始. YEAH .
又可以再買過. 實在太好啦. 哈哈哈哈.

takeishi

去到最後一站 (東京)啦~本來無諗住再寄架啦. 機票本身都有成35kgs行李額架啦. 以為夠啦. 點知. 去到第5日已經又一大埋碟啦. 磅一磅啦. 岩岩好35kgs, 唉~即係又爆喼. 但係重有3日行程, 點好,. 你叫我黎緊3日都唔買野咩. 於是~無計啦. 又寄多一箱啦. 所以去到東京最後又要寄多一箱. 即係今次. 去一度地方就寄一箱野走.  






  又PACK到一箱出黎, 唉~無計啦, 寄左你啦.
晌附近超市借左架手推車仔用.














  最後~寄完. 又可以買過. 輕輕鬆鬆鄧棒豐. 又唔駛搬到隻狗咁樣去機場.
返到香港. 等你3個禮拜. 送到上門. YEAH

kl122002

很有趣的分享
以前我都有這樣做, 不只是在日本, 在歐洲都是. 數量只是5-10張左右而已.  
我的做法是把碟取出, 放在cover 外, 但當然是留在內套裡了.  這樣可以減少因為唱片在運送中碰撞令cover 被推穿3邊. 另外加用厚紙皮做墊. 再包裹就很安全了

psb

識得周圍捲捐窿窿罅罅先至有咁墟冚成績

熊心勃勃

多謝師兄

kl122002

回 takeishi兄
其實你這樣大量, 一般而言是最怕紙皮箱唔夠力, 在運送時碰撞爆箱. 不過我見你都包左膠紙, 應OK的.
唯一是呢種紙皮看起來有點軟, 角/邊落地時會撞傷入面封套4角. 下次可以在packing時加更身紙皮條在4邊做保護.

dc903

師兄，
抵讚，
尤其紙箱和手推車介紹。
給你十粒星星推介。

ericcklau

多謝師兄精彩分享