《機動戰士高達 NT》感想︰好fans向

粗人敵卡

由於小弟無睇哂同呢套劇場版有關連嘅高達UC OVA(印象中只係睇咗三四集)，所以淨係寫到好簡略嘅感想

套動畫節奏好快，基本上角色背後勢力好似聯邦、新自護等等動畫只係略略一提
無睇過高達UC OVA或者唔記得哂劇情可能投入感會大大降低，有機會睇到一頭霧水

故事係圍繞著兩女一男嘅搶機故事，女主角米雪兒夥同男主角約拿執行秘密任務
去搶奪他們以前青梅竹馬莉達駕駛嘅鳳凰高達，因為鳳凰高達內裡嘅技術可以令人類「進步」

劇場版只有個半鐘，約拿、米雪兒同莉達的過去描寫近乎支離破碎
係以約拿米雪兒回憶喺動畫中不斷穿插，加多廿分鐘講會完滿少少

動畫算緊張，由於有敵對勢力與主角一群搶鳳凰高達
可以話係爭分奪秒

高達機體打鬥算係無欺場，尾段對高達UC fans可能有驚喜
仲有動畫音效好震撼

(嘉禾stage戲院幾舒服，好過另一間屯門英皇戲院)

alleelarry

早在星期四看了這一場，畢竟帶普未痊癒的驅體入場，投入到爭少少……

Netflix 有齊七集，為左看呢集，一早已經「馬拉松」看完七集……，到今天就看到了有影院放映「馬拉松」，再加$50攞張 NT 換票證

心水青的都會知，UC 當年出第5集（無記錯的話）都攪過呢類連環放映，有幸抽到飛去睇，睇左一集多D投哂降，係 EMAX 個會議廳，用電腦放，喇叭無調整過，畫面同口型跟本唔夾，對於我呢D以為識日文既，睇到想死……

呢一集故事個人感覺向前作多番致敬，有好有壞，又或者由 Marvel 帶起了「彩蛋」熱潮，觀眾一般都受落！至於今集雖然是電影版規模，但畫功其實仲差過以 OVA 發行既 UC 前七作，不過他日出碟還是會由頭看一次！

最後，睇到尾的話都會知出年年尾又有新作，資料說是三部曲的首篇，布拉度之子的非劇作品

gashapon

我都自己一條友去o左睇.  我覺得故事短了少少, 如果長多半小時講多d佢地3人之前的關係會更好.
架高達(narrative) 我最喜歡佢第一次出場的造型. 故事來說, 可能主角本身唔係"ace pilot", 加上自護那邊又係"失敗品", 變成2個打起來無咩火花咁...不過故事最後其實都好感人, Rita其實都幾慘. (電影都帶過了TITANS的新類型人研究所)

我自己接受到psycho frame可以擋炮呀, 推堆d野etc, 不過"time travel"我就覺得太誇張....同埋如果咁勁, 無理由之後的MS唔會用(就算封印了, 只代表不會大量生產吧), 所以都要睇佢UC2點講落去.

"不肖子"我都期待, 等了20年終於有動畫了~

alleelarry

gashapon 發表於 2019-2-19 10:22
我都自己一條友去o左睇.  我覺得故事短了少少, 如果長多半小時講多d佢地3人之前的關係會更好.
架高達(narr ...

還望來年……繼續有高達睇！

gashapon

alleelarry 發表於 2019-2-19 22:27
還望來年……繼續有高達睇！

佢地40周年時公佈了好多活動, 不過有d都唔知係咩~ XD

我自己最期待就係閃光之不肖子(好似下年夏天上)同埋UC2 (unicorn後續故事)

alleelarry

gashapon 發表於 2019-2-20 10:04
佢地40周年時公佈了好多活動, 不過有d都唔知係咩~ XD

我自己最期待就係閃光之不肖子(好似下年夏天上)同 ...

不肖子係片末講明 WINTER 上映，香港起碼遲個幾兩個月……

MSZ

不肖子應該係分三年上晒三集。大可以慢慢等。

但係如果唔係富野牛油貴做導演劇本嘅話，好大機會唔係小說嘅內容。期望最好唔好咁高。