2018全港影音玩家最常去的香港戲院 - 全民投票(投票結果公...

小瑟

恭喜發財, 祝大家豬年好運, 新年大家都一定會睇戲, 我地又想借呢個機會, 同大家做個民調, 睇下大家平時最常去的5間戲院會係邊5間, 唔知大家既心水會係咩呢??
一同來投票一下哩!!!



首先非常多謝各位有份投票的版友, 我地2019年第一個全民投票活動, 有 252 位正式認證的 Post76 版友投下大家神聖的一票, 得出今日的結果. 究竟『最受影音玩家喜愛的十大香港電影院』係邊十大呢??? 我地就一同來睇下結果啦!!!

黎緊2019年第一季, 我地就會去哂頭十位的戲院, 同大家分享一下每間戲院的最強影院, 以及最強皇帝位置區域, 希望讓一眾未去過該院的版友, 都可以有個參考指標, 讓大家可以用最好的位置, 最正的效果來睇你地心愛的電影.


而今次其實好多其他戲院的票數都非常之相近, 好似MCL Festival Grand Cinema同MCL 德福戲院, 佢地既票數都係一樣既, 所以我地會當為雙10名處理, 即係呢二間都會同大家做埋評測的.


希望今次我地呢個選舉可以讓一眾對電影愛好的玩家, 可以支持到你地喜歡的戲院, 而且希望香港的戲院可以做得更好!!!!

alleelarry

星影匯+UA 機場影院，暫時都係比較多人去！

matt88p

我自己就喜歡去jp, 屋企兩條街就到!!

scott0208

2018年之前基本上係星影滙，海運同ISQUARE呢3間，18年轉咗响中環返工之後就95%幫襯星影滙，我記得上年睇咗大約三十幾套戲，當中3部响ISQUARE IMAX睇，3部响D2,其他全部都星影滙睇咁滯

alleelarry

其實呢半年去得最多既係屯門英皇，貪佢上網訂飛免手續費，仲食到信用卡買一送一優惠，本來去到一月尾，原來已經追加去到「出年」三月尾

kl122002

都是jp, (Cinema City Victoria)樂聲, 皇室, 間中會去一下康怡.
有些特別的電影, 如Maria by Callas, National Theatre Live 的錄影就會去中環IFC.  

光與曝光

星影匯

TimLee@G

朗豪坊或旺角百老匯，因為是夜鬼⋯⋯

小瑟

原來港島去UA的人都多呀~~~

風仔風仔仔

英皇屯門, 屋企樓下, 信用咭買一送一, 最好係4號院, 面積最大, 畫面大, 可能空間大和天花有音場處理既物料, 聲音好過1.2.3號院.

SONY 4K 投影機, 畫面好清好夠光, 但只係7.1音效,

如果會再追加ATOMS, 就仲正.


嘉禾屯門STAGE , 睇過幾套戲, 投出來既畫面好多網紋, ATOMS出來既效果都幾好, 但低音唔夠勁.