《星夢情深》4K碟評 +《無雙》藍光點評+Netflix《李屍朝鮮...

Hugo Fok

去片:https://post76.hk/news/2019/02/s ... rg-netflix-kingdom/

Jazzgd1

估唔到無雙都有驚喜，先講自己上次去左長沙灣新果間戲院睇，大約半價去睇，哈，真係值回票價，真係得半套好戲！上半場故事好好，拍攝好有杜生feel，講造假銀紙果度同門徒有得fight ，下半場就⋯⋯唔太劇透嘅情形下講下，周潤發去到最後，如果係咁嘅角色係可以，不過之前其實可以做得誇張D，唔好做到咁真實啦，個角色最失敗嘅地方係唔得人驚，另外，去報仇個情節同拍攝好9唔答8，最後又射黎射去完全冇重點，又扭片扭到唔知似乜，完全收唔到尾爛哂，??‍♂️最後個女友果part又上船又乜乜乜⋯⋯娘到爆炸，仲有，周X兒同其他無線出場同演出??‍♂️想點呀！套野平平無奇反而接受到，事因開頭太好睇反而想爆粗！

Jazzgd1

套戲我係戲院同屋企睇，其中有呢類一格格同白點出現，係咩玩法

radhk

呢類一格格同白點出現，係咩玩法 x2

色調, noise, 呢d風格問題, 我無意見, 但加呢d一格格既filter, 好影響睇戲觀感.

Jazzgd1

開頭我以為間戲院隻幕有問題，尋日係屋企睇都一樣

小瑟

radhk 發表於 2019-2-3 08:00
呢類一格格同白點出現，係咩玩法 x2

色調, noise, 呢d風格問題, 我無意見, 但加呢d一格格既filter, 好影響 ...

係金三角架車飛埋畫家度, 之後大爆炸果一野, D NOISE 勁到呢.......

Mosque

無雙係戲院睇，睇到我一舊雲，唔知講咩？

Mosque

人物太亂78糟

tomlee338

hugo師兄，蜘蛛網中的女孩 有無邊幕 試機位  ？

李屍朝鮮  既聲畫如何?  

Hugo Fok

tomlee338 發表於 2019-2-9 23:14
hugo師兄，蜘蛛網中的女孩 有無邊幕 試機位  ？  

李屍朝鮮  既聲畫如何?    ...

《蜘蛛網中的女孩》 因爲以文戲為主，動作戲主要為推動劇情性質，成條 Dolby Atmos 聲軌動態、能量感略為平淡...可以用作測試章節集中於 CH4（主角寓所被炸）、CH8（汽車追逐）、CH13 （毒氣室）及 CH15（狙擊槍）四幕 ... 當中效果最爲明顯是 CH13  放毒氣一幕 Atmos 營造氛圍相當不俗，設換至面罩内鏡頭時所做出的密閉空間感都相當逼真... 略為失色的是片中槍戰駁火場口動態表現同衝擊感有點到喉不到肺... 畫面方面，經返查後發現此片原來只得 HDR10 編碼，並無 Dolby Vision 規格，但明暗兩極變化都相當細緻，很多在戲院錯過的細節都能在此版本中重現出來... 可留意是 CH1 兩姊妹在背向陽光下捉棋，日光射入昏暗空間中的畫面相當像真... 至於片中經常出現的黑白反差在 4K HDR 下更能突顯出質才應有的細節... 剛好補足了這類沉鬱派畫質在細節上的不足。 至於《李屍朝鮮》，我屋企用 4K HDR / DD+5.1  規格睇，4K HDR 係夜景方面相當有發揮機會，質材細節或明暗對比都相當淨有力，至於 DD+ 5.1  因壓縮比所限，動態同細節不會有太多突出表現，但以電視劇來講其實算滿足...   我記得 Netflix 堆新劇應該全數有 Dolby Vision + Atmos... 如果屋企器材支援到的話，不妨可以試下...