LX800 死雞記

Raphael · 發表於 2019-1-15 17:26

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

話說小弟臨聖誕前向A舖訂咗部 LX800... 由於訂得遲過好多師兄，所以小弟預咗至少要等到過咗農曆新年先至有機會攞貨

早兩日經過開B店，同老闆傾開，佢都話自己手上每件都要交俾客，無可能立即俾到我；但叫我如果同佢訂，佢收順啲都無所謂
(話時話，呢個老闆都算好有品；我話佢知我已經喺A舖訂咗，佢即刻話 "咁就無謂嘞! 我都唔想搶人地生意")

小弟返去諗咗一輪，忽然諗，如果A舖有排都無貨俾我的話，咁不如我索性將啲訂金改為買另一樣野 (反正我都想轉埋LX901)，咁咪唔會對A舖不公，但我又可以用B店個友情價買 LX800 囉?!
於是就 "貢" 落去A舖問問.....

一行入去門口，拎張單出嚟，A舖SALES大哥即時認得我："哦！哥仔，我記得你啦！" (其實咁多人訂，我都唔知點解佢寧舍認得我)
我都未開口講我來意，SALES大哥已經同我講： "你嚟得啱嘞！我有個客唔知做乜，輪到佢攞貨又忽然話唔要。我正想通知下一位排隊客嚟攞......"

我插口話："咁都有排未輪到我啦，關我乜事？"

佢繼續話："..... 點知電腦啱啱 SHORT 咗，我都 CHECK 唔到下一個輪到邊個。你咁啱出現，就當係你啦！你唔要的話，我都轉頭當現貨賣咗佢架嘞...."

就係咁，一大隻死雞跌喺我面前......