陳百強的創世記 GALAXY Back To Black (25CD) (復黑王)

a888

canadian 發表於 2019-2-2 10:22
我都期望環球會同華星合作，推出梅姐、張國榮、羅文的復黑王boxset。不過環球只有梅姐兩張日文細碟版權， ...

東亞有版權出

Mingming19688

a888 發表於 2019-2-2 09:43
我個人好少買BOXSET, 因為喜歡的碟一已早買, BOXSET只係重覆之前作品, 但復黑王系列對我來說非常有意義.
...

其實呢套boxset,係繼上次文質翩翩4+1dvd後,環球和華納最有誠意之作,希望環球可出多D這類係列。

Gentleho

終於到我了，申請做了會員兼用埋cash dollar 一入

getter

今日輪到我買了

暫時聽咗 4 隻, 都比買咗嘅其他版本好    裡面嘅小海報真係好正, 回憶返晒嚟   (包括當年借隻黑膠比同學仔, 最後張海報唔見咗 )

發現 First Love 隻碟比較有趣, 因為佢嘅封套係重用 2014 年版的, 封套上印住 (C) 2014, 但裡面隻 CD 就同其他的一樣, 係 (C) 2018... 夠環保

不再流淚 都有 2014 年版, 但呢套碟裡面隻 不再流淚 就冇呢個問題。

另外, DMI 嗰兩隻精選, 我情願換咗 神仙也移民 隻 remix picture disc, 咁就更加正！

Johnson8hk

環球終於做番次好野出黎

Lomen

聽咗十隻碟，音色真係冇投訴，仲要覺得比過往版本音質有一定提升! 此set Danny 復黑王，如果係Danny 粉絲真係要入手珍藏! 之前我都係十五十六，但見呢度各位資深c hing 既試碟同分析後決定去馬，結果冇失望之餘，無論在包裝同音質上仲覺得有驚喜!

買返嚟之後第一時間就聽哂DMI 時期既大碟，因係我既至愛。此批復黑王聽出環球已remaster 過，音質比以往版本更好 (試聽歌曲 e.g：1- 昨日、今日、明日@無聲勝有聲，2- 冬戀@冬暖)

WEA 時期既未聽哂，但暫時最有驚喜係"深愛著你"。呢幾年此碟已出過好多復刻版及SACD 版，但印象中好多音質唔係爆音就係鬼五馬六的，得罪講句可以話係垃圾。但呢隻復黑王版，聽畢十首歌，好似音質上完全上咗另一個層次。冇爆音之餘，好有層次感，自然耐聽。心裡非常欣喜，終於有一隻深愛著你復刻可做得如此靚聲。甚至犯規地講，我喜歡此版本多過頭版!

在餘下幾星期慢慢消化其餘既碟，再重溫Danny 既美妙歌聲。環球今次呢批陳百強復黑王無論包裝同音色真係做得非常之好，抵贊!!

getter

Lomen 發表於 2019-2-10 22:17
聽咗十隻碟，音色真係冇投訴，仲要覺得比過往版本音質有一定提升! 此set Danny 復黑王，如果係Danny 粉絲真 ...

"深愛著你" 我得兩個版本: 普通舊港版 及 AMCD, 普通舊港版就普通舊港版質素 (即係唔係好好), AMCD 就衰聲 (超勁味精) 到情願聽番普通舊港版   呢隻復黑王就交到功課

"當我想起你" 我都有兩個版本: 法國版 及 AMCD, 比較後: 法國版 > 復黑王 > AMCD (勁味精)

Mingming19688

Lomen 發表於 2019-2-10 22:17
聽咗十隻碟，音色真係冇投訴，仲要覺得比過往版本音質有一定提升! 此set Danny 復黑王，如果係Danny 粉絲真 ...

Lomen師兄,最緊要啱聽,耳聽為實,網內師兄推介得,不是亂吹的,我都絕對認同你的講法,這套碟音質有提升,絕無投訴。

ballball

我都忍唔住今日入貨.
馬上聽深愛著你.

我較喜歡這版本, 不是因為好聲(因為唔識分好唔好). 而是較特別的原因:
當年我買的是盒帶, 聽第一首歌是"深愛著你".

但後來買WEA 的CD, 都是以"在這孤獨晚上"為第一首,
可能這碟之前聽得太多, 總係覺得有點不習慣 .
所以聽這版本就感覺順好多.

希望大家唔會覺得我怪...

ballball

另外, 也喜歡"陳百強精選"
因為可以做返當年大碟封套的效果.
這是WEA版本沒有做的.