土製無源前級 （vs GG 前級DACT 音量制）

Alman

GG前級換上了DATC後， 原來的dale電阻volume 制無用武之地？ 非也。

燒了GG電容， 等候零件之際， 諗起可以將佢整無源前級。 小弟對此玩意認識是零。 爬了一些資料後， 決定試下。。。。。

完全未接駁， 唔知得唔得， 仲有嘢整。 分享下相先

Alman

Bingo ! 有聲出啦！

剛剛接好D線（用番D線同接法完全同之前一樣）， 開機 。 大清早七點幾， 開唔到大聲， 稍後再分享。

在箱內加入了沙包及礦石， 最後會加埋引線接BGT／地盒。 這個只是雛形， 肯定了work 後才真正打造佢， 包括買個鋁盒，換RCA座及更改接線。。。。之後梗係同復原的GG前級較量

日後又來個朝秦暮楚  

Alman

今日用了幾個鐘頭聽無源前級， 之前所擔心的問題例如欠動態， 低音， 阻抗不配等等一掃而空！

有人認為 簡單就是美， 可能適用於無源前級。  小弟不能說它的表現遜於GG前級， 暫時無從比較， 但最少無聽少東西， 感覺空間感大， 高音或有少許冇咁飄逸。 假如改換接線RCA座等會有更佳表現也不定？（現時的RCA座是跟GG套件而來， 負極那個圈用磁鐵試過是鐵來的！）坐言起行， 已訂了個鋁盒， 加埋手頭上的 Audio Note 鍍銀插座及WBT舊RCA， 夠有餘了
話說回來， 假如 無源仲好聲， 咪自己捉。。。。

Alman

所訂的 料今日同時收到， 星期六可以開工啦 到時GG前級 Vs 無源前級

Alman

Dale 電阻級進式無源前級增強版

好快佢會同GG前級切磋一下。。。。。

Alman

今日先後聽了無源前級及復原（更換了Mundorf電容）的 GG前級。  雖不是AB比較， 但聽出了些分別。

如先前所述，Dale 無源前級沒有欠缺動態等問題，反而在空間感及立體感方面有些增強， 樂器的body大些， High Performance Carmen   第四 track 臨尾"丁 "非常鬆容擴散。 整體最明顯的音色跟前的分別是下盤較豐滿， 相比下高音方面偏暗（而非缺少）。 但 把Mundorf helix／ETI 頭 改為 鍍金銀 helix Duelund silver foil／KLE Absolute Harmony後， 整體平衡起來, 餘韻亦較豐富。

至於GG前級，， 由於幾粒電容所煲時間有限， （依家小弟對煲機有恐懼感 ， 並不能作準。 但可以聽出換與未換Mundorf 電容前後的差別。 Mundorf 偏向清爽，無拖泥帶水感覺， 高音的分析會較之前Obligator 好DD。   High Performance Carmen 的三角鈴會更出更立體。 仲有兩粒 VH cap 未用， 遲D再並埋落去。

無源前級的效果絕對OK， 毫不比GG遜色。 佢冇電冇咁多零件，直接了當，覺得佢對線材更敏感。 既然有咁多信號線係度， 用佢來試線就好極了。今次試了兩種前級， 有另一發現， 就是 無源前級好似把電流聲放大了些少（可能來自膽後級 ， 用GG就無此現象）； 而用GG前級時則把膽的噪音送埋比你，

今次唔壞GG， 就唔會試無源， 又學多一樣嘢。 心諗其實GG前級內的DACT pot 亦可轉玩無源， 只需把pot去GG輸入的線bypass接去背板的RCA座即可。 雖然導線會長咗D， 但玩多隻無緣亦一樂也。

待新電容熟啲， 正式來個電VS無電切磋。

zhy_035

Alman兄又有佳作
发现一个小瑕疵：端子接地有环地的嫌疑，这样可能会引起噪音，建议Alman兄改进。

Alman

多謝ZHY|兄
己按提議剪走. 稍候再试聽.

Alman

擾攘一排， 終於有時間正式比較兩者一下。

為加強GG前級實力，在換了的Mundorf 電容上並聯拆自並 Obligator 的VH tin foil cap （只是暫時測試， 所以只用鱷魚夾頂住先， 有一樣好： 唔駛煲； 如果效果良好， 稍後再換VH copper foil 也未遲）。

用兩隻pot同時分別聽同一音樂， 有High Performance Carmen， 老蕭第十， The Beatles,  鬼太鼓等。結果是： 唔駛捉虫啦  

GG前級DACT 在低音控制力， 高音擴散， 音場前後感層次定位方面皆略優於Dale無源。 GG整體線條清晰D， 無源則有些局促， 低音有些boom； Carmen 第四 track 的 一下 "叮"， GG前級
出得又長又清晰（更好過未換Mundorf之前）， 無源變得"掘".  老蕭第十真係令小弟神魂顛倒， 百聽不厭 。 GG 好明顯地好聽D， 尤其在群奏及層次方面， image 更現。

依家可以專心親近GG， 唔駛朝秦暮楚咁辛苦。 仲有一樣好處就係玩多樣電線。 話時話，GG前級所用的是 Duelund tin copper 12 awg helix 電線， 似乎這條線好得

聽耐D GG後 會換上 VH Cap copper  foil, 到時再分享。

可以退役為後備：

zhy_035

非常详细！看来选择DIY GG前级没错