《水行俠》x 星影匯 Metroplex 首映短評

cylawsam

我未睇過温導演嘅戲，但我覺得今套係近依幾年DC系列中比較好睇嘅一套（另，我覺得Wonder Woman 係唔錯嘅），特別係比對Batman vs Superman 同Justice League...

mike384

去了MEGABOX睇IMAX的.
整套片很易入口, 用樓上的字眼就是快餐, 但是一份很豐富的快餐,  唔係話睇唔起級英雄片, 但好多都係青少年/兒童向, 我唔期待有幾位導演可以拍出NOLAN版的DARK KNIGHT(我也並非死硬NOLAN粉, 其實也唔太喜歡BEGIN, 而且也很喜歡TIM BURTON版BATMAN1,2的), 當然有的話我會好開心.
女角很好, 不論老的KIDMAN或後生的紅髮公主(冇留意名)都很搶鏡, 打鬥, 整個海底世界都好畀心機去DESIGN, 已經冇投訴了.
至於影評, 人地點評係人地的自由, 我好少理, 一套戲好唔好睇, 入場就知啦.

Hugo Fok

我個人感覺係，由近年 DC 系列既反派設定比較失色，論氣勢、戰鬥力甚至係謀略方面都不及 Nolan 時代有心思...  有時見到演員好落力做好角色，但因爲反派未夠火候，Build Up 唔到咩張力之餘，整體故事内容都較薄弱，欠追看性。相信呢 Part 應該都要靠 Nolan 先可以做得夠徹底...

teddy

jc2ssych 發表於 2018-12-25 16:25
咁即係：
拍得唔好睇，要被批評。
拍得好睇，但拍得唔夠快，又要捱批評。

師兄你誤解我意思，快餐本身冇問題，只係快餐都可以好有心思好令人回味，例如《屍殺片場》就拍得平靚正，但《水行俠》對我來講就係交行貨，為咗分市場一杯羹快速炮製既快餐，當然你可以覺得麥當勞就係世間美味亦沒問題，咁亦有人就算食快餐都有點追求，行多兩步都要去間好點既茶記而已

jc2ssych

teddy 發表於 2018-12-30 21:08
師兄你誤解我意思，快餐本身冇問題，只係快餐都可以好有心思好令人回味，例如《屍殺片場》就拍得平靚正， ...

其實會唔會係師兄誤會呢？

點解會將獨立作品屍殺片場跟comic franchise作比較呢？

兩者面對的限制截然不同。前者要面對拍攝成本所限，但無 film genre 和 fandom base 的羈絆；而後者雖然有相對近乎無限的資金，但 studio 有大量 production terms 要應付。

觀眾有權批評作品，要指出缺點亦很容易。但你講得出點拍會更好嗎？

margaux

Thanks for sharing!

teddy

jc2ssych 發表於 2018-12-31 10:58
其實會唔會係師兄誤會呢？

點解會將獨立作品屍殺片場跟comic franchise作比較呢？

我又唔係圈內專業人士，一般睇戲觀眾啫，有需要對電影工業知根知底？
我唔知點樣拍好戲，不過睇戲咁多年，唔理咩片種咩budget，部戲好睇有一百個理由，唔好睇得一個理由啫！
仲有你講到我好似對部戲評價好唔公平咁，呢d咁既主流爆米花片，forum日煲夜煲，片商賺到盘满钵满，仲需要每個觀眾都大肆宣揚好睇？而且我講咗全世界鐘意食麥記都好，有必要強迫人地接受你果套？睇戲啫，why so serious？

mike384

其實喜歡電影的人, 或多或少都會對製作上有好奇, 如果唔係, 整咁多MAKING OF都冇人睇啦, 純粹[牙]時間?
好似屍殺片場, 佢的其中一個賣點, 就係將電影製作搬上幕前, 將一部本身唔好睇片的幕後拍得有笑有淚, 拍成電影的主要部份, 既有新鮮感又可帶起共鳴.
我本身對喜歡的電影會睇埋MAKING OF, 當然啦, 有好多係為宣傳, 所以真真假假也不需要太認真.
水行俠賣的是視覺, 屍殺片場賣的是新鮮感, 兩者各有賣點, 觀眾會以自己的喜好去選擇, 至於比較, 有咩好比?