【香港影音玩樂展2018】順利完成, 多謝大家, 我們明年見!

小瑟

[youtube]NIzLrkp7RQU[/youtube]


第一屆【香港影音玩樂展2018】終於順利完成，多得大家嘅支持，今年入場人次比我地預期嘅還要好，而且最重要係大家都笑住咁走。再三多謝大家用你地嘅行動去支持我地嘅玩樂展。

經過了個多星期嘅意見收集，我地知道我地仲有好多地方需要改進，需要完善，我地已經一一記錄落嚟，希望明年嘅展會，可以將今年做得唔好，不善嘅地方加以改良。但我地非常有信心，經過了我地嘅第一次，明年 2019年11月22-24日嘅一連三天，我地會有更多嘅驚喜，更多好玩玩意，更多實用研習班，更多嘅歡樂帶畀大家，等每年嘅11月尾呢個時段，成為大家最期待嘅一個日子!!!!

再三多謝各位有份入場，支持我地嘅老友、朋友、版友、網友、會友、谷友、參展老友，品牌兄弟姊妹，老土都要再講一次，有您地嘅支持，就係我地不斷創新思維嘅原動力，好多一直喺影音界覺得古怪，唔敢做嘅事，就由我地嚟做吧，而我地之所以夠薑做，完完全全就係因為有您地嘅支持!!!

謝謝!!!!

阿定

十卜十卜