《波希米亞狂想曲》Queen - Bohemian Rhapsody (無戲透)

jjjppp111

雖然上映了ㄧ段日子, 今晚才剛觀看, 差D走了寳!
利申我不是 Queen 迷, 亦不是特別喜歡他們的歌!
但是這套Bohemian Rhapsody 真係值得入場睇!  出色導演! 主角精彩演出! 傳記式電影來説數ㄧ數二! 由平凡到成功到迷失到醒覺到燃亮生命最後的光芒! 不會太過表現過火煽情!  又不會到喉唔到肺! 希望將來會有奬攞!

mike384

部戲是精彩的, 主角係生得唔似, 但影響不算很大, 也見到佢好努力去扮(其實有D反效果)
但好睇的唔係呢度, 好睇的係佢整體還原度好高,  不論個三位８成似的成員也好（可惜的JOHN被冷落了），奸妃Paul也好，　Liveaid更加唔使講，　我自己也不是QUEEN迷, 幾十年來一隻碟都冇買過(ITUNE都冇), 但D歌嘛, 出名個幾首都識唱.　一邊聽返都感受良多。
冇辦法, 活在８０年代的人想唔識佢地都難呀.
聽返首本名曲Bohemian Rhapsody, 而家成日上腰拙聽，當中包括唔同的Cover，　的確係好有趣的一首歌，　嚴格黎講係一套。

Hon

我仲衰, 連QUEEN都唔識.

不過睇完套戲之後,  唔知點解會成日响YOUTUBE摷返佢既MV黎睇, 嗰幕LIVE AID都不知睇左幾多十次.

出碟絕對要買黎睇多次.

Chubill

Bohemian Rhapsody首歌係可分類為progressive rock, 特色係整首作品會分開多個段落, 而段落間會有大變化, 甚至風格對比極大, 例如呢首會有opera元素 + heavy rock