DIY雙頭龍問題

slashbest

話說小弟用淘寶材料DIY咗條無屏蔽、簡化版雙頭龍，效果理想，背景真係靜咗。但後來用另一隻淘寶線再造另一條時，發覺一係大細聲，一係一邊無聲，檢查邊度出問題時，以小弟既超有限物理知識，越查就越唔明。成功嗰條我係咁接駁：

L+--->2.5頭L+
R+--->2.5頭R+
L-&R-扭理--->3.5頭-

但以上述接駁方法再造一條時，左邊無聲﹙我已經用他錶check晒所有接駁無問題﹚。不過若將L+接落2.5頭L+時，同時接落L-，即：

L+-->2.5頭L+&L-，反而有聲。

另，若將R+-->2.5頭R+&R-，右聲道會變大聲咗。

請問有無師兄可解釋原因？雖然小弟耳機係用幾百蚊貨嚟試，燒咗都唔怕；但player卻幾千蚊，我好驚再試多幾試會燒，所以想問清楚再整。

kmr

人地玩隻頭係因為2.5冇屏敝接點，所以借用3.5來達成屏蔽接地極，你把正負都接在一起，燒唔燒我就唔知，不過我就唔會咁做，再者部機是不是支持雙輸出？ 其實講來講去都係計電位差同回路，一係你拎份線路圖出來俾大家研究下。