是偽麼？古河 Furutech CF-7445碳纖4.4插頭的故事

kmr

話說有朋友發了短信問我有關近日的古河碳纖4.4插頭小插曲，知唔知市面出有一間好出名既店俾人話佢賣假野，講真我就唔係好信，香港地打開門口做生意，仲要做左好幾年，唔怕俾人唱咩，玩耳機個圈有幾大先，人地仲要出哂文章，賣假野既人唔會咁高調啦。

事後有朋友同我分析過，都係個句，不作無證據無意思的既猜測。

其實我響外面中過招，所以手上又真係有一粒有可疑的古河碳纖4.4 , 不仿同大家做個開箱文，同大家見識一下(偽)古河係點既樣

講明先，我冇立場，唔係幫某商店講野，都唔係要作出任何挑機行為，亦未有去有關商店或其他考證過，我只係傷心share，希望大家買野時多個參巧，唔好好似我咁

先睇包裝，睇不出有乜野分別，只係塊膠非常殘....


打開左，都一樣


本來我都唔發覺，但拿上手有點奇怪，於是對比一下。。。。噢my god
大家可以留意一下插座既尾部，為見到後面個粒係圓少少，沒有很清晰的斜角切割位，而前面的一粒那個斜位是很清楚的



由於有可能係角度問題，所以我就換一換位置再影，情況一樣的




這個是放大圖



於最後一圖後面(斜角切割位很清楚)的一粒是多個月前購於香港代理既，而另一粒就GG(唔好問我邊個人或邊間賣啦，無謂唱人)，兩粒個價係差不多，所以我唔係貪平架。

最後我都係焊下佢啦，點知落錫個下就feel 到同香港代理個粒有明顯分別，即係表面個料根本就唔一樣，唉。。。呢家換去另一度粗用好過

當然，我都唔知係唔係有兩個version，而以前見過假既古河碳電源頭都係圓尾。所以我呢家只會去代理買就算。

講多次，唔使問我邊到買喇，我唔會答，如果想研究歡迎post 相研究研究。

Chubill

偽呢舊野成本都唔輕

Mingming19688

師兄,可否pm我邊間賣假嘢,唔係分分鐘中招,唔該

kmr

Mingming19688 發表於 2018-10-25 09:05
師兄,可否pm我邊間賣假嘢,唔係分分鐘中招,唔該

唔好意思，邊到買就唔講啦，我唔係想阻人搵食，細心少少睇樣其實都分到，再唔係去返代理或者大舖買都非常放心。

重點係，個樣唔同左，聲唔同左，表面物料唔同左，但冇廠證明係假野，我地只可以用懷疑的心態去睇呢件事，當然我就唔會博啦，錢事少，壞了心情是大。