莫文蔚《我們在中場相遇》全新黑膠發布會 (活動簡報)

小瑟

[youtube]98xYfJBt4RA[/youtube]

今日我地 Post76 聯同 Sony Music一同為 Karen 莫文蔚出道 25 週年打造的一張《我們在中場相遇》全新黑膠唱片在軒仔的灣仔仙后餐廳舉行分享+發佈會, 今日全港各大小傳媒都有份出席, 場面非常熱鬧. 而我們版友亦大多數為左今次活動請假出席, 非常有心呀!!!



今次大碟慶祝 Karen 莫文蔚出道 25 週年，與超過 20 位華語樂壇重量級創作人，李偲菘、姚謙、倫永亮、李焯雄、李宗盛、張亞東、伍佰、方大同、Matzka、張藝興、李榮浩、華晨宇、林俊傑、姚若龍，加乘一班老朋友周耀輝、黃偉文、Terry Chan 等等大師級，打造左一張黑膠唱片《我們在中場相遇》，而佢亦希望可以做更多回饋樂壇的東西，例如發掘新音樂人等等，都係現時比較想做的事情。而講到是次發行復刻黑膠，Karen 指自己於黑膠年代開始當歌手，但無奈初出道時，世界樂壇已轉入CD唱片年代，所以當時未能推出黑膠碟都有少少遺憾，所以今次會於以前的唱片中，抽其中三張出來再做黑膠碟。」之後就請來我地老友嘉賓東哥（輝煌音響）同台下的傳媒及版友們一同以超過兩百萬的發燒級器材，細味聆聽新碟中的四首歌。



Karen亦說到今次推出的四張黑膠碟，其實亦有一個限量Box Set套裝的，而早前一共250套已於預售期時全數售出，呢套Box Set非常珍貴，有齊四張黑膠唱片，限量只有250套，在場的76版友們都有問，如果唔係發燒器材，其實會唔會浪費左？東哥都有講到其實如果大家都耳機聽或比較入門的黑膠盤聽時，都會有不錯的效果，因為唱片制作質素已經非常高，以比較重身的 180g／12 吋／33⅓ 轉制作, 唯一要小心的時黑膠轉盤會唔會因為180g太重而未必可以負荷就需要留意一下.

今次活動好可惜因為屬於傳媒發佈會+76版友優先場, 所以今次未有機會可以同 Karen 拍照或簽名留念, 而我們都好希望下次有機會, 可以同 Karen 一同好似平時我地分享會咁, 一邊傾下計, 一邊聽佢的新音樂, 今次非常之多謝有份出席的版友, 而且亦都好希望大家可以有個愉快的下午.



再次感謝大家的支持, 有您地的支持, 就是我們最好的動力!!!

小瑟

東哥好勁呀。

小瑟

issachar

"Karen亦說到今次推出的四張黑膠碟，其實亦有一個限量Box Set套裝的，而早前一共250套已於預售期時全數售出"

完全唔知...

小瑟

係…台灣好早出左介一早賣哂呢