發燒電影迷的家庭影院 - 龍無忌影音安樂窩

小瑟

圖文家訪足本 :  https://post76.hk/news/2018/09/steve-chong-home-visit

今次家訪主角  龍無忌兄是一位資深電影發燒友,  熟知過去近半世紀的中外大量經典電影作品, 更曾以筆名推出過電影評論書席, 論盡 50 年來影壇多個特色現象。然而 龍兄因工作繁重, 一直將建構家庭影院的夢想擱置。直至近年開始半退休式生活,  而屋企亦剛好要進行一次大裝修,  所以一直以來的夢想終於都要爆了，希望今次真的可以建構一個跟戲院有得比下的的人家庭影院。而今次家訪有別於我們之前的家訪。因為今次有份參與整個家庭影院設計的除了有 Andy@Infinity Design之外, 小瑟亦都充當了今次家庭影院的設計師, 為龍兄的家庭影院在硬件及佢玩開的卡拉OK作一個整體的安排呢。

[youtube]5NEYYbv3ZEQ[/youtube]

Billyfish

睇哂lu
等緊睇聲音調教條片等偷師
自己set硬係好似有啲亂又唔知點咁樣

小瑟

聲同畫的調校我地會有二條片專講的, 不過都好長下, 大家要有心理預備呀!!

matt88p

又一個jbl用家

Post76 Admin I

大王的帖都要攪事....

小瑟

大家咁俾面 家訪貼都唔放過 請大家重回正題

matt88p

小瑟 發表於 2018-10-23 09:21
大家咁俾面 家訪貼都唔放過 請大家重回正題

開開心心理性討論, 對事不對人就已經非常好了,
講番屋主環境其實真係好正, 個廳夠大, 空間感又夠!!
同埋希望76多啲呢啲片, 可以幫多啲師兄建立夢想家庭影院.

小瑟

龍兄在FACEBOOK都有提到我地呢個家訪, 我個人都好希望講下, 其實我地76想做既野唔係只係想發燒, 我自己真係希望大家唔好只係渣住手機睇電影.....電影係應該入場睇, 係大畫面睇, 香港地方雖細, 不過我地唔應該因為咁而下降要求去欣賞心愛的電影, 呢個亦都係我地希望香港電影, 電視應該走的方向. 外國係用"質素"去留住大家入返電影院, 用貼近戲院的新體驗去讓大家可以開心, 投入地去享受電影. 香港有國內的觀眾人口去支持香港電影又好, 冇國內市場去支持又好, 都應該要提升自身對"影音"要求的底線, 一個家庭影院唔係要威, 而係要對自己的眼, 對自己的耳仔好一點, 而且影音要求的標準其實係源自電影的制作人想自己腦內的世界如何讓觀察完整收到為目標, 當然劇本同導演好重要, 但影音出來的感染力相信大家都應該了解吧!!!!

其實小瑟講咁多廢話做咩呢?? 只係希望香港的電影制作人, 公司可以了解影音唔係發燒友的玩意, 而係如何可以忠實表達電影所需, 而且國際電影都已經認定提升聲畫體驗係吸引人流的皇道, 所以希望香港可以同步追上吧~~?

小瑟

matt88p 發表於 2018-10-23 10:05
開開心心理性討論, 對事不對人就已經非常好了,
講番屋主環境其實真係好正, 個廳夠大, 空間感又夠!!
同埋 ...

好, 我地都希望可以做多D大家喜歡看的影片比大家睇, 如果咁樣可以另更多人加入玩AV的行列, 係非常值得的呢~

Billyfish

小瑟 發表於 2018-10-23 11:21
好, 我地都希望可以做多D大家喜歡看的影片比大家睇, 如果咁樣可以另更多人加入玩AV的行列, 係非常值得的 ...

得閑有資源嘅搞多啲家訪
同埋唔好去啲set好哂set得靚嘅
靚嘢靚房靚位求其set都正

應該去多啲三尖八角啊老婆唔俾啊環境鬥士啊前置冇位要擺去後面啊嗰啲屋企家訪再搵大師set咁先好睇
咁大家先學到嘢