中毒太深之自製Alo gold 32

AnthonyIU

自從入手手神圈major之後，令到我線材毒癮又發作！一個多月又買咗又放嘅不同線材已經超七、八條！所蝕嘅金錢已經可以買多隻神圈，去年入手Tia Fourte 都係走上如此配線不歸路！最後只留低三條線，其中一條Alo gold 16,原因gold 16係雞肋，佢哋耳掛設計實在太垃圾，但微暖音場大、女聲一流，先令我冇放走佢，上星期終於想將佢攞去俾500改耳掛插針，但途中同事話可以試下學人將幾條線合併玩，咁樣令我終於暫時可以停止揼錢落海，我立即上肥花收多條即晚交去師傅手上得到報價三張金牛，同事即刻話可以叫做手機維修朋友幫手，但加工費都不小，等咗成個星期，尋晚終於到手，一入耳感動到想喊添，原本想自私玩，不過上嚟分享一下希望同我一樣為線跌錢嘅燒友可以試下以此暫時止血！
未煲好都講下聽感先：
音場足足大咗一個圈，係呈現一個大圈型，令major終於大過Tia Fourte 一個圈，微暖！
高頻廷伸好，暫時沒有剌耳出現
中頻配合major , genesis , Tia Fourte 都彌補大家嘅不足，唔知點形容，總之係正！
低頻先係戲肉，力量夠，下潛深，鼓聲終於係我最喜歡的，每boom 一下到心口！完全填補同genesis低頻不足，將major低頻推上另一個層次！
想學我咁做嘅朋友可以PM我出嚟試下交流一下，耳聽為實，不過唔擔保可以有舖肯做

ngong

Gold 16我都入左，本身佢高頻都已經唔刺耳
低頻有力音塲大左，我自己已經覺得好好聽，咁你條線共搞左幾多錢？

AnthonyIU

ngong 發表於 2018-10-18 09:40
Gold 16我都入左，本身佢高頻都已經唔刺耳
低頻有力音塲大左，我自己已經覺得好好聽，咁你條線共搞左幾多錢 ...

原來嗰條農歷年前入手7K，後來嗰條肥花收4.2K，同事個朋友收我配件連手工1.8K合共13K，不過聲音一定超越現時市面20K以上的所謂旗艦

joeny

想問下ching依家2合1之後條線會唔會好重？

ngong

AnthonyIU 發表於 2018-10-18 09:53
原來嗰條農歷年前入手7K，後來嗰條肥花收4.2K，同事個朋友收我配件連手工1.8K合共13K，不過聲音一定超越 ...

你個價難以仿效

ngong

joeny 發表於 2018-10-18 09:57
想問下ching依家2合1之後條線會唔會好重？

係喎條16本身已經有輕微聽診效應

timmyshing

CHing可以詳細講下配合神圈聽感嗎？另外想知邊度改同幾錢

AnthonyIU

ngong 發表於 2018-10-18 10:15
係喎條16本身已經有輕微聽診效應

改咗重D分線器同埋改變織法，聽診效應反而覺得少咗好多，上半部保留原有圓形燈籠織法做左右分線，下半部用每4芯嘅8股方形編織，可能係咁樣所以少咗聽診！另外耳掛位終於舒服了 至於重量方面，可能係織法令條感覺柔軟咗，所以反而覺得唔會太重！

AnthonyIU

timmyshing 發表於 2018-10-18 10:46
CHing可以詳細講下配合神圈聽感嗎？另外想知邊度改同幾錢 ...

我就係入手神圈之後不停試咩線最啱聽，最後覺得鍍金線會比較將神圈嘅優點突出，尤其是銅鍍金比較喜歡，經過呢兩日反覆對比，發覺gold 32將神圈嘅音埸推開變得更加有前後層次分明，高頻去得更加盡，唔剌耳先係真正嘅優點，中頻人聲凸出好多，男女聲都非常討好我，聽某D女聲有點好對住你綿綿細言，有時候又有種舔耳仔感覺，真係會起雞皮疙瘩！低頻本身神圈不是太突出，但配合此線就有種聽jh嘅低頻感覺，但又下潛更深更彈！總結一下就係有返聽書枱喇叭的感覺！

Chubill

ALO應該嗱嗱聲自己出Gold32啦