尋晚(母親節)於西貢「全記」(舊店)之不快事

k2elvin · 發表於 2007-5-14 10:45

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

1. 等位果陣已經亂,個帶位阿姐仲發晒脾氣,叫人「你唔好再煩我啦!!!!!」
雖然人地真係煩左d,但佢地本身真係一d系統都無,又無清楚指示話俾人
知究竟叫到幾多號等等。我地book左7:30pm, 7:20pm去到,通知左阿姐,
都要8:15pm先有得入坐。

2.等位時我外父係度揀海鮮,叫左個蘇媚前半條,點知有個阿叔同幫我地
take order o既阿姐講:「三十三蚊両喎,佢(指我外父)知唔知架?」嘩, 係
唔係話我地食唔起?

3.等位時已經落晒order,以為會好快有得食。無錯,頭兩味雞腳同埋蝦係好
快到,之後果d就要等成兩三個字先至有一味「食送」,d蝦仲要係唔熱o既。

4.五個白飯兩個瀨粉,等左七個字都仲未黎齊,居然話唔夠飯,尾後等多五分
鐘度黎多兩個白飯,個waiter同我地講:「仲熱架~」唔知又係咩意思。

5.同晚隔離「木台」有人叫左五斤龍蝦,點知上菜時碟龍蝦得果幾舊,同
waiter嘈左一輪。

6.同晚另一張「木台」又有人投訴,話叫左兩隻蟹,點知上菜時得三隻鉗,仲要
無左半邊身,真係詭都要詭得有技巧d呀, 大佬。

7.d「食送」上得好慢,咁樣食一d都唔飽肚。我未試過出街食飯要靠白飯加蒸
魚豉油充饑。

8.我地埋單三千幾 (我地只係叫左一枝可樂,酒我地自㩗,無收開瓶費),我就覺
得一d都唔值。好彩返到外父屋企有生日蛋糕食,要果唔係返到屋企要煮麵食。

9.環境麻麻,地下好滑,老人家要加倍小心,加上又有貌似大陸人又係講國語o既
食客係到煲煙,d waiter又唔敢出聲。