《刺客教條：奧德賽》

阿定

其實玩了兩日後，已經想抽時間出來同大家分享下Ubisoft呢隻《刺客教條：奧德賽》。但今集實在太好玩，每次想落筆都有新玩法解鎖，所以打算打多陣先再寫，玩下玩下原來已經出了十日了，終於叫有時間可以大家分享下了。



總體而言，無論操控方法又或畫面方面，同上集差別不大，但由於地點由埃及轉為地中海地區，畫面上有更多發揮空間。



而這近呢兩代的刺客教條，戰鬥方式大致分為近戰、遠程、刺殺三個方向。上代起源主力以箭殺敵已經可以應付大部分戰況，但今集三者平衡取得好好，特別係加入戰爭任務可以上陣肉搏殺敵，爽快感十足。



本作加入了新元素，探索模式，可以選擇放棄由電腦直接點出目的地而要玩家由線索找出要去的目的地，一洗以往本系列以往跑點式遊戲的感覺，遊戲代入感大增，個人強烈建議大家以此模式遊玩。



另外，不得不提海戰模式回歸，在新世代機能加持下海戰無論畫面、遊戲性已經又去到另一個新境界。而玩家在戰鬥中打倒的敵人，可選擇招募為已方船員，增加遊戲可玩性。算係一個幾討好的設計。



總的來講，呢隻Game係十月咁多大作推出的情況下，絕對係其中一隻必玩之作，你未必打得爆機，但開開心心打三四十個鐘絕對無問題。

NothingIsEnough

竟然咁高評分
上集起源好麻麻 今集咁似起源

光與曝光

雖然今集刺客好吸引, 但都係留力留時間月尾Red Dead Redemption2 ~~

阿定

光與曝光 發表於 2018-10-16 11:00
雖然今集刺客好吸引, 但都係留力留時間月尾Red Dead Redemption2 ~~

我都係趕RDR2出前清左去，否則有排都抽唔到時間打刺客了

lkljason

打爆完蜘蛛俠無幾耐，刺客幾吸引都要留力打RDR2先，加上ubi D野遲玩平幾兜既定律，個人唔太急！同期game 之前諗住蘿拉同佢二選一，睇黎呢隻暫時口碑較好！

NothingIsEnough

lkljason 發表於 2018-10-16 23:44
打爆完蜘蛛俠無幾耐，刺客幾吸引都要留力打RDR2先，加上ubi D野遲玩平幾兜既定律，個人唔太急！同期game 之 ...

今集蘿拉好似麻麻地 但有玩開前兩集就點都玩埋佢
不過完全唔急玩 兩隻都一定減價減得好快

DVD迷

lkljason 發表於 2018-10-16 23:44
打爆完蜘蛛俠無幾耐，刺客幾吸引都要留力打RDR2先，加上ubi D野遲玩平幾兜既定律，個人唔太急！同期game 之 ...

我都係咁啦，呢半年不停砌模型，又打下機，之前買左幾十隻藍光碟有半年多都冇時間開來睇，打機都係一樣，剛剛爆完豬豬俠才玩刺客，但我又唔係話即去晒主線故事快快爆機先，只玩咁迷你遊戲先，慢慢來去爆機，我知唔快爆就來出gta西部版，冇所謂，買左先，有時間才玩，反正自己的，鍾意幾時玩都得，我又唔係同人鬥快爆機

Alinalin

昨天本來想要買的說XD