「轉數快」開通左啦，大家Set好未，有唔明就大家討論下

阿定

香港金融管理局（金管局）宣布今日啟動快速支付系統，並將它命名為「轉數快」。


快速支付系統 (轉數快) 參與機構一覽表 (截至二零一八年九月二十八日)

我自己覺得的功能
簡化左過錢比人，但人地又唔同你同一個平台的問題，同埋銀行誇行過數唔駛自己開票比自己咁無聊

使用方法
自己去番自己用緊的 "平台(s)"，開通番 "轉數快的功能" ，咁就可以，你可以開通多個平台，但就要Set其中一個做預設收錢的平台

收錢
我開通左恆生，HSBC，八達通，AliPayHK咁，我要指定其中一個平台來收錢(HSBC)，咁對方比錢我就會自動去了我HSBC戶口

比錢
比錢就邊個平台都得，比錢的安全度同你本身的平台有關，例如用HSBC戶口比錢，又要用番個粒保安器，但用AliPayHK比錢就要用番AliPayHK的密碼

常見問題

• 收錢同比錢係完全獨立運作，比錢同收錢唔一定要同一個平台，一個人可以登記晒市面上所有平台
• 比錢的人，用自己平台send去對方電話號碼或QR code之類就可以，你用邊個平台比錢都得，最緊要有錢係入面就可以
• 收錢的人，Set好用邊個平台收錢就可以，你可以Set好多個平台收錢，但一定要揀其中一個做預設，因為對方唔一定知你用邊個平台收錢
  

小瑟

我見好多人都推呢樣野, 究竟幾多人會用呢???? 我都想試下!!!!

wlchung531

請問同平時網上過數有乜分別呢?

pac

我就最緊要安全，會唔會唔見左D錢？

阿定

wlchung531 發表於 2018-10-2 21:54
請問同平時網上過數有乜分別呢?

方便唔駛知對方戶口，只要有對方電話或Email之類就可以！

阿定

pac 發表於 2018-10-3 07:46
我就最緊要安全，會唔會唔見左D錢？

同你本身放錢的方法一樣，如果你開通左銀行 eBanking，你比人用得轉數快偷你的錢的話，問題唔係轉數快身上，係點解你個eBanking會比人登入到

同埋，你用支付寶開通了轉數快，你比人轉走D錢，問題係點解會有人用到你的支付寶

簡單點講，你比個銀包阿仔用，唔見左錢，問題唔係點解銀包無好好保護你的錢，係點解你比個銀包阿仔用

咁應該易明點吧，科技並不可怕，最可怕係人為錯誤，最常見係改密碼做生日日期同123456出事

小瑟

早二日呢個轉數快好似 奶咗嘢喎

小瑟

如果我冇申請轉數易，有咩方玩可防止我奶野呢？？

阿定

阿定 發表於 2018-10-3 16:48
同你本身放錢的方法一樣，如果你開通左銀行 eBanking，你比人用得轉數快偷你的錢的話，問題唔係轉數快身 ...

呢Part原來係錯的，比人偷錢，問題係轉數快的eDDA服務度，而之前根本唔清楚有呢個服務存在

其實之前研究轉數快時已經研究左好耐，但就無見到有eDDA功能，應該同宣傳重點無放係呢Part所以好多人唔知有機會出事，包括金管局自己都唔知會出事

katchu

小瑟 發表於 2018-10-26 08:19
早二日呢個轉數快好似 奶咗嘢喎

點樣奶野???我中諗住申請，怕怕