[少量劇透]《無雙》︰差一點就完美

粗人敵卡 · 發表於 2018-10-1 19:33

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

本來小弟對合拍片無乜期望，但見到呢套《無雙》有我偶像郭富城，仲有mark哥周潤發，無計啦要入場睇吓。

導演係《無間道》系列編劇，《竊聽風雲》系列編劇兼導演嘅莊文強，呢套無雙同導演之前嘅作品一樣以劇情為重心。開頭郭富城個角色俾人由泰國帶番嚟香港受審，導演開始引導片入面嘅警察同觀眾入電影裡的佈局。莊文強喺裡面好詳細講解點樣去造美金偽鈔。當中發哥同城城周遊列國搜集整偽鈔原料，同埋同班買家做交易，拍得實在麻麻地。可能城城本身個角色太過婦人之仁兼且有啲白痂，發哥太精無一種雙雄交鋒嘅感覺。去到泰國導演格硬等發哥型一次，講到發哥真係mark哥上身以一敵百，而城城表現令小弟想走入套戲打佢一身。當郭富城受審完畢，莊文強笑住同小弟兼在場觀眾講，你哋中哂計！我對前面劇情同呢套戲開始改觀…

後面劇情反轉算係做得唔錯，儘管借鑑西片痕跡太明顯，如果睇西片睇得多嘅觀眾可能會對中後段plot twist會有不滿。郭富城之後演釋實在令小弟睇到呆咗，好可惜結局為咗政治正確邪不能勝正，令成套戲有個好大瑕疵。周潤發喺呢套戲簡直係本色演出，尤其係喺泰國段槍戰，好似睇緊辣手神探。郭富城前後轉變演釋叫人信服，但同發哥比硬係爭少少。

總括而言，《無雙》以合拍片而言拍得水準以上，鐘意睇劇情嘅要入場睇吓。