小瑟睇第一場, 其實一直都未睇過LILY的演唱會, 因為一係時間夾唔到, 一係就唔係香港, 上次同佢傾完計之後, 佢話今年佢地真係諗左好多新鮮野, 吸收左上次 15 的經驗, 今次 15+1 想左好多個的第一次, 所以小瑟就一於入場支持一下吧.......當然仲叫埋一眾兄弟拍片同埋申請會後可以同 LILY做個訪問, 竟然一一批准, 就係咁小瑟就睇左第一場勒!
本來真係冇諗過 LILY 既SHOW會有咩特別野出現, 講真, 小瑟雖然唔係成日睇 SHOW, 不過又有幾多野咁特別丫, 點知一開場, LILY已經唔係台上出現, 係山頂位的出口出現, 呢下小瑟覺得真係估佢唔到 , 一開場已經大部份平時冇可能有機會握手的朋友都可以第一時間握到 LILY 手, 佢仲成場兜左一個圈, 同大家握哂手先, 真係非常正 , 有係現場的朋友都會知道小瑟講既感覺, 而亦都係呢個原因, 我地其實昨天已經可以出片都HOLD一HOLD, 希望可以留返一個驚喜比大家.
之後好多歌, 一路唱, 一路唱, 由80年代的歌, 唱到竟然連最新的 《你是你本身的傳奇》同 《女神》都有埋, 真係FIT到冇哂朋友 , 再講更正的, 一定係 LILY 自己選唱的二首 《逃避你》同 《最愛演唱會》, 呢二首我自己都好鐘意, 所以 LILY 一唱我即時忍唔住拍手掌, 太正了....... 另外小瑟亦係非常非常非常鐘意 LILY 同 音樂總監一同合唱的 《愛變了這世界襯衣》 , 小瑟係估唔到, 係 LILY 的表演下, 台上所有的歌曲, 跟本就冇分原唱唔原唱, 所有的歌, 都已經成了 LILY 的首本名曲了, 佢亦唱出一份 LILY 獨有的風格, 溫柔, 舒服美妙聲音 . 聽著聽著, 之後更來一個好新的玩意, 竟然同每一個樂手來個合作時段, 之後就逐個樂手回到後台....如是者最終最終, 就係得返 LILY 一個, 一個演唱會可以聽到歌手真真正正非常樂器都沒有的情況下, 清唱四首歌......大佬, 係四首歌清唱喎 , 我諗真係唔係人人夠膽, 亦都唔係任何歌手都唱得好聽, LILY做到了.......... 最後一首佢仲要行到去觀眾席的中間位, 努力同大家獻唱........就係呢個時候, 原來全部樂手都上返哂台, 一黎 LILY 清唱到副歌位, 一眾配樂再次響起........OMG ........絕對絕對地扯起左全場的高潮, 講真, 好感動, 好感人, 好新奇, 好興奮, 好好玩, 總次呢一刻, 全部人都真正 HIGH 哂, 大叫既又有, 拍手既又有, 好好睇..........講真, 呢個演唱會我諗小瑟呢世都會記得, 亦都好開心好好彩我地有帶機來拍攝, 可以拍低精彩的細節, 最終完場開哂燈, 大家都唔肯走, 仲叫返 LILY 出來, 佢本身真係咩都冇預備, 所以就唱埋第二晚預備好的歌《你是你本身的傳奇》, 之後就真正完場......好圓滿, 好圓滿 !!!!!
好開心今年有機會可以見證 LILY 呢個演唱會, 更開心係完SHOW後有機會可以同 LILY 即時傾二句, 我諗可以記錄 LILY 完 SHOW 後的感覺, 對所有 FANS 來講, 應該係都好難忘的感覺吧!!!!
LILY, GOOD SHOW.......絕對係超級難忘的一個好有心機的演唱會!!!
 多圖+ 影片分享 : https://post76.hk/news/2018/09/lily-chan-15-1-live-interview/
[youtube]9Ynv2acQP5Q[/youtube]
|
一名永遠的入門玩家, 對電影, 音樂, 影音等玩意永遠雀躍, 其後為了可以將這個毒海無涯信念推展開去, 故建立了這個毒人唔洗本的影音娛樂資訊平台
發表於 2018-9-20 20:19
樓主
發表於 2018-9-22 01:10
