Auro3D + Atmos : 動工 > 26# 穿線 > 28# 買電掣 > 41# X8500H 入手

tommychan1972

lego_cyris 發表於 2018-9-12 11:45
無錢請室內設計，唯有自己頂硬上

咁PRO好明顯你係設計師喇,喇叭,HI FI架都畫埋出黎,太利害了,唔會爛尾既,你啲器材咁正,男人既野對影音有頭髮便有辨法,
我出年都會裝修,請問你用咩軟件畫的?

lego_cyris

yiu1 發表於 2018-9-12 18:57
師兄你就好喇, 當年申請天花喇叭比老婆反對....只可以用反射喇叭...

因為打造左個靚靚廚房俾老婆，所以先批得爽手

lego_cyris

banjo 發表於 2018-9-13 09:02
點解要搞埋Auro3D, 有好多軟件支援咩?

真係唔算多。主要係新屋裝修，所以做定幾年既準備。我睇過資料，未來都係發展天空喇叭為主，地面喇叭已加無可加。

同埋部份擴音機可以將舊格式聲效升頻做 Auro3D，效果都唔錯，手上咁多舊碟唔怕無軟件，仲多左野玩添。

lego_cyris

tommychan1972 發表於 2018-9-13 10:30
咁PRO好明顯你係設計師喇,喇叭,HI FI架都畫埋出黎,太利害了,唔會爛尾既,你啲器材咁正,男人既野對影音有頭 ...

多謝師兄欣賞，平時做平面野多，畫 3D 圖都應付到。個軟件叫 Sketchup，好易用。喇叭、音響架都係其他人畫好 Share 上佢個 "3DWarehouse" 尺寸是 1:1，方便預位。

thx_wong

lego_cyris 發表於 2018-9-12 11:35
原本諗住用 32mm 喉，但最後用鋁質長方型坑，藏好線後閂蓋。依家同師傅研究緊兩個轉角位可否做 "生口" 方 ...

師兄我屋企都係裝修緊，師傅話藏唔到32mm喉上天花，加上要整四條20mm天花喉黎放喇叭線，不如裝個長方形槽點走線都得，之後再造個石膏板假天花遮住

lego_cyris

經過兩星期師傅們嘅努力，雖然 "山竹" 到訪，總算順順利利，終於穿好晒兩條獨立電線同全部 Surround 喇叭線：



將來器材位置、所有線既總站



天空喇叭、投影機插蘇、HDMI



Auro3D 嘅 "Voice Of God"，與神溝通嘅渠道



前天空喇叭、投影幕用電



過程中師傅有提及 HDMI 頭太長難轉灣及更換，建議穿多一條做後備，但基於成本及日後維修問題都係在轉灣位做個 "生口" 方便點。



雖然當中有同師傅溝通，說明電線嘅粗度，但當師傅收到 2 條獨立電線後試穿後，發現 22mm 喉轉唔到灣，只好用 32mm 喉重新再鋪過，好在師傅們無詐型



見到獨立線同全屋電器電線嘅對比，未用都覺得一定夠力水，自我感覺良好



因為家中太多大食電器，最後只有兩個位做獨位電，無奈、無奈


下一步開始做水泥同鋪地磚，希望可以準時完成。同時又要大出血，因現時用緊嘅器材都不合時宜，要黎個大更新 ... 待續

lego_cyris

thx_wong 發表於 2018-9-15 14:38
師兄我屋企都係裝修緊，師傅話藏唔到32mm喉上天花，加上要整四條20mm天花喉黎放喇叭線，不如裝個長方形槽 ...

多謝師兄分享，但樓低唔夠高，做唔到假天花

lego_cyris

雖然唔關影音事，但裝修真係好多野要跟，分享下，希望幫到其他師兄：






剛剛全屋電掣收貨，有留意開裝修嘅師兄們通常都見人去英馬訂電掣，我原本諗住俾錢時，發現原來有其他途徑訂，仲要超齊款！ 係英馬訂不鏽鋼施耐德 同 英國 BG，好多都唔直寄香港要集運，款又唔齊。上網爬文後發現有個英國網站可以直寄香港，但要用 Email 問運費同 PayPal 俾錢。

上去網站一睇，發現唔只齊、仲要平過英馬，即時 Email 問價，即日已回覆。再到英馬查相同數量嘅運費 ... 連運費都係你平！PayPal 俾錢後，大約一個星期 45 個電掣已安全到手。粗略一計連運費都只係香港一半都唔駛嘅價錢，已經買到 “不鏽鋼 + 隱藏螺絲” 嘅電掣面板


正所謂多個香爐多隻鬼，無謂做多個接線位，牆身喇叭線出口處交俾毛毛把關



全張單最貴嘅兩個電掣，但都唔駛三嚿水，加上香港無出依個款


最多人係英馬訂既款，比英馬平$15一個，少數怕長計

RexYip@FB

lego_cyris 發表於 2018-10-2 23:37
雖然唔關影音事，但裝修真係好多野要跟，分享下，希望幫到其他師兄：

師兄，我都裝修中，可否PM邊度買？

lego_cyris

RexYip@FB 發表於 2018-10-3 00:19
師兄，我都裝修中，可否PM邊度買？

PMed，希望幫到你