「古」語有云，今期流行：昔日鐳射影碟雜談（一）

alleelarry

ivyang 發表於 2018-9-11 19:02
果個年代仲開心，今日有www所以得來太易反而唔珍惜。

亦有D似拍菲林相，好用心去拍，好期待沖曬出來既一日，而家用手機拍下拍下，有無留底唔重要，沖曬都未必會去做

ivyang

以前LD好貴，只擁有過幾隻。
通常租碟返來自已耷，而美版、日版聲畫質素都比港版好得多，但零售價就港版係天價。
信和好多水貨LD，記得id4、第一滴血、壯志凌雲都係二百幾，但水貨冇中文字幕，要買力螢字幕機加字幕匣出中文字幕。
租碟鋪都可以租到水貨碟+字幕匣。
耷碟傢撑亦有學問，因為水貨LD係NTSC線，要用日版錄影機(VCR)兼N線錄影帶，我買松下有HiFi功能VCR，我記得要5千幾文。N線錄影帶又要去深水埗、信和之類買HiFi帶。
本地行貨錄影帶行Pal線60/90/120/180/240分鐘再標明SP/LP(standard play/long play)，但冇HiFi帶。而N線帶就冇分LP用，最多120分鐘但有HiFi，記得要成四五十文一餅帶。(其實好貴)
有一樣問題，N線HiFi帶得120分鐘，但西片隨時片正長長過120分鐘，所以唯有耷碟耷到冇頭冇尾。

ivyang

alleelarry 發表於 2018-9-11 19:07
亦有D似拍菲林相，好用心去拍，好期待沖曬出來既一日，而家用手機拍下拍下，有無留底唔重要，沖曬都未必 ...

好有同感，我今年搬屋賣哂d相機啦。
因為好多年都冇攞出去映相。
有手機實在好方便，拎起手狂映！機動性又好，又可以即刻share。
大機質素，就係質素，又可以執相......但現代數碼化日日睇網台Y仔Fb，好難分身慢慢執相。
但以前映相，又會取境揀鏡頭揀曝光，成晚執幾幅相，諗返又係樂趣！
資訊太多太快，時間唔夠用。

jc2ssych

ivyang 發表於 2018-9-11 19:31
好有同感，我今年搬屋賣哂d相機啦。
因為好多年都冇攞出去映相。
有手機實在好方便，拎起手狂映！機動性 ...

到目前為止，我依然幾堅持揸大機，係身份嘅象徵。

MSZ

我部愛華LD機一早就壞咗。冇整。啲碟都揼鬼晒囉。

小龍

當時最貴係 Pioneer Lds1 ,要萬五蚊港纸，可說係機皇，當然,小弟當時有鬼錢買咩，到有錢果陣時，買左部 Pioneer 水貨 LD 機要拖牛，但機底係蜂
巢底，都要 6千幾，記得當時係幫趁和記行。過左一排貪新鮮，買左部 Toshiba 自動反
碟機。

alleelarry

ivyang 發表於 2018-9-11 19:31
好有同感，我今年搬屋賣哂d相機啦。
因為好多年都冇攞出去映相。
有手機實在好方便，拎起手狂映！機動性 ...

其實以前影相倒有點技術，而家咩都無哂，一味靠後製，正如而家既 HDR又好，DV 又好，其實都係一大堆味精，不過大家都好受落咁

alleelarry

jc2ssych 發表於 2018-9-11 20:03
到目前為止，我依然幾堅持揸大機，係身份嘅象徵。

所以我樣都有，看天氣看心情出動，反而又有番D樂趣！

alleelarry

MSZ 發表於 2018-9-11 20:07
我部愛華LD機一早就壞咗。冇整。啲碟都揼鬼晒囉。

好奇係壞咩呢？我個部都以為要入博物館，點知遇到高人指點，搵到大師醫留好佢，所以而家好後悔丟左部唔著既字幕機

alleelarry

小龍 發表於 2018-9-11 20:25
當時最貴係 Pioneer Lds1 ,要萬五蚊港纸，可說係機皇，當然,小弟當時有鬼錢買咩，到有錢果陣時，買左部 Pio ...

其實我前前後買個好幾部 LD機，最初都係為左 KARAOKE 而買，SHARP 係首選，因為有好多按鈕，一按即跳歌，仲記得個 REMOTE 好大好肥好鬼Q，之後都係為追功能買到手上呢一部，反碟真係好有型，但就怕佢易壞，純粹睇戲由A 去 B而已！