【會後討論】YAMAHA RX-A3080 Surround: ai 演試會 (75#報導更新)

siukeung

雖然自己不是yamaha的粉絲，但會這樣這樣看，ai今天的定義真的是會同步自我改良配合使用者的常態行為，所以yamaha這樣叫有無錯，單看現在的理解可能未必很準確，是gimmick還是有後著，暫只有他們知。但歷史所見，他的前上置、後上置等環繞聲技術，都算今天atmos、dts:x與auro 3d的前身，他的前瞻性令我個人欣賞，這樣反而希望他們的努力，有機會為未來定立另一指標。

講返他的所謂ai，我理解是會跟據唔同片段內的情況，自動快速對應開關各樣的dsp配合片段，從而突顯那份現場感，細緻度，空間感，這點真係感受過就會理解，並且可自行開關即時體驗。就這樣看，與sony 的影像技術處理器x1 extreme如出一轍，只是sony講影像，個database 有sony picture backup，但sony就不能自行開關感受是否有分別，亦沒有用ai來形容自己粒chip如何強勁，不過技術堅到影響頗多用家追捧，所以連韓系電視都開始跟隨。依這個理解，yamaha頂多話佢用錯名，因為有開無開分別明顯，當然陰謀論的又可以話關了時便做衰條聲就可以，有幾難!!

不過講返個人感覺就喜歡另一品牌的埋身感，yamaha做得到環繞聲應有的大場面與盡情表露很多細碎聲，但就沒有我愛的埋身，這不是問題亦沒有不對板，因為百貨應百客，拳拳到肉的埋身，加上bass的量感大了，細碎聲自然被蓋過或容易被忽略。所以有他們行出的第一步，可能遲些其他品牌會追隨，或可能yamaha基本就有第二著未出，真正學習用家喜好而自我演變出不同的dsp，這樣有勁爭的進步，絕對是玩家之福，期待各廠都努力啦!

Happy89

我就希望再搞多一次YAMAHA 3080展示活動 。因上次參加是著重Yamaha的AI功能 , 未能完全理解3080的內部操作和性能 , 如能更詳細了解後根據個人需要作比較來選擇 , 免得升級選擇錯誤 !

ykluk

遲來既報告, 小弟雖然係工作人員, 企埋喺後邊既一邊, 雖然唔可以叫做可以完全感受AI既真正功力....

但作為前3020現5000既用家, 今次3080的確係可以講係"聽得出"既進步, AI既出現的確令DSP更加完整(大佬, 就算你有7千個DSP, 我都無可能一套戲係咪轉DSP啩...), AI更加將DSP+鴨毛+auro3D完全結合, 將10秒前既聲音先作處理, 然後揀選最適合既出, 真係巧掂~!! 小弟聽完第一段IT去試有同無AI既效果後, 都忍唔住爆咗一嘢粗....

可能有人會問, 將10秒前既資料作運算, 咁咪delay? 其實呢個concept如果對CAS有認識既人會大約估到, 個人覺得個concept有啲類似asyn USB咁, 先將data放入AI處理, 然後當畫面出現, 就將個package放返同畫面同步! 但呢個行動對運算速度同時鐘都有要求, 可能係呢個關係, AI既concept由2008年開始設計, 2015年首次出現, 但都達唔到呢個同步要求, 要等到今日出新系列先可以實現~

AI真心係市面上無敵, 除非你好唔鍾意, 因為開咗AI就無得再自己揀選項, 但當然熄咗AI就可以玩auro3D睇鴨毛碟啦~

唔講AI, 呢部3080喺力水同速度上, 都比小弟用過既3020同現用緊既5000好, 一部合併機出5.2.4, 感覺上仲好力過小弟5000+後級推9.1....{:9_433:}

當日小弟有事聽完第一場就要走, 但見到第一場嗰班師兄, 完場後圍住等靚價, 都知應該唔少人中招~  小弟都同無出現既九爺通知咗聲:"真心掂!"

至於小弟點解唔入手?









我梗係等5200啦~!! {:9_407:}

issachar

wil-wil 發表於 2018-9-9 10:44
食杯麵睇戲都係仲樂趣黎!!

個杯麵會震震下都幾得意丫

usopp

patrickcw 發表於 2018-9-9 15:04
係咪d咩野gimmick? AI係會自我學習進步, 即係今日同聽日睇同一套戲, d聲都應該有分別! 如果唔係, 最多都係 ...

點解AI一定關進步事？咁High Speed Facial Recognition 算唔算AI？

issachar

我再補充下試影會後既感想先...

首先, 大會安排得 AB Test, 我相信一定係對 Surround AI 有信心先會咁做. 到底係咪 gimmick? 我自己就覺得唔係... 有版友就話唔識 learning, 點解叫 AI... 呢一點我同意既, 佢唔會識 learning, 我理解佢可能係 pre-fetch 你播緊套戲既數據, 再 process d 聲出黎. 咁 AI 呢個字的確係有少少 gimmick!

不過始終耳聽為實, 我同我個木耳朋友都聽到 IT 果段試片, 開左 AI 既落雨聲係闊左空擴左, 你感受到身在雨中既感覺 (OK, 呢個有少少誇張). 而去到對白果一段, 人聲明顯 bold 左出黎, 冇開 AI 既時候, background 有 D 音效同配樂係比 D 雨聲遮左. 但係開左 AI 之後就出返哂黎喇.

而最後一條片 Polar Express 就聽到經 Surround AI 處理後出返 5.1.4 既效果.... 咁其實同 Dolby Surround 或者 DTS:X 有幾大分別呢? 呢個我 comment 唔到. 起碼我屋企冇兩隻 18" 十仔先...

而0係用家角度, 當日既滅口價係的確十分吸引, 對於剛剛打算換機既小弟絕對係即時比錢既主要原因

當然你話 RSP $19780, 如果 D 舖減千零兩千黎講 (呢個我估既0者, 我唔係舖唔知佢地來貨價), 呢個價錢係咪一定買 Yamaha 呢? 天龍得唔得? 馬仔? 先鋒同安橋呢? 我會咁樣講, 除非有人真係咁好心機, 又搵到咁多舖比你試哂咁多隻 AMP 之餘, 做 AB test 仲要其他配置係一樣... 最起碼都用返同一套喇叭同個試音地方都差不多先啦... 都唔講大家係咪用同一條拖板果 D 野.... 攪到咁大場大龍鳳先可以有一個比較中肯既答案 A3080 係咪值得買....  否則以用家身份黎講, 覺得0岩咪買囉...

最後想講既係, 都明白大會想盡量安排多 D 版友試聽試睇, 103 個版友報左名得 50 個名額.... 不過最後果一行真係會打個 4, 5 成折扣. 所以個場我認為最多係容納到 20 人左右.... 除非學小瑟講, 最後果行熄左燈做乜都冇人睇到啦....

akira11092

issachar 發表於 2018-9-10 15:50
我再補充下試影會後既感想先...

首先, 大會安排得 AB Test, 我相信一定係對 Surround AI 有信心先會咁做.  ...

師兄
當你聽過 Yamaha 果堆老野旗艦 AMP 搭配 "Front Presence"
就會發覺呢部 3080 既所謂 AI 其實唔係 D 咩新招.....
正如上面有師兄質疑新技術唔代表進步

小弟正係當天座上客兼現用家之一
且我覺得果種開左 AI 既所謂音場寬闊左, 臨場感馬上大增 !  
咁我一直都聽緊且聲效已勝過之, 個人聽感覺 3080 又係新不如舊叫圍住有工開果隻

如果未試過 Yamaha 或 set 或唔好而對現在既 3080 有興趣既, 我都好理解
但作為呢隻牌子既忠實用家, 難免對佢有更刻薄, 更嚴呵之要求, 此機仍未夠班

以上只屬個人睇法, 最緊要都係自已耳聽為實, 各聲入各耳, 聲音無錯對, 無高低之分
祝各位師兄買到真心頭好, 免做二手區常客







  

關大爺

akira11092 發表於 2018-9-10 19:17
師兄
當你聽過 Yamaha 果堆老野旗艦 AMP 搭配 "Front Presence"
就會發覺呢部 3080 既所謂 AI 其實唔係 D ...

師兄尾2句，講得好好

patrickcw

AI (artificial intelligence) is the simulation of human intelligence processes by machines, especially computer systems. These processes include learning (the acquisition of information and rules for using the information), reasoning (using rules to reach approximate or definite conclusions) and self-correction. Particular applications of AI include expert systems, speech recognition and machine vision.

issachar

akira11092 發表於 2018-9-10 19:17
師兄
當你聽過 Yamaha 果堆老野旗艦 AMP 搭配 "Front Presence"
就會發覺呢部 3080 既所謂 AI 其實唔係 D ...

你講既野我十分同意, 老手有要求既用家, 對於呢 D 乜 AI 多數會一笑置之.
呢 D 野原理都係出於而家 processing unit 夠快, 佢可以即時去處理音效去達到佢所謂 "AI".
即係咪又係 DSP... 有乜新野可言呢? 可能佢都係將某 D 頻率推多少少比你聽! 唔奇丫...

不過我都講左, 對於想換機既人, 點樣揀機呢? 係咪要試埋所有 AV AMP 做哂 AB TEST? 冇可能嫁喎.
定係跟師兄講搵返堆 "Yamaha 果堆老野旗艦 AMP 搭配 "Front Presence""? 唔知有幾多用家會咁樣去買 D 舊旗艦機返黎聽?
係呀, 而家都有人買十幾年前既 CD 機返黎聽嫁! 我都好明喎! 不過唔知有幾多 market share 呢? 同埋 generate 幾多 revenue?

耳聽為實, 呢一點大家都同意. 我加多一句, 百貨應百客... 而且呢場 show 擺明係 marketing 野黎, 師兄何需介懷?

的確 RSP $19780 我唔會立即比錢, 當日個價對於想升級換機既人係吸引既... 師兄心入面好能講左句傻仔, 不過我都好肯定唔係咁多傻仔, 都唔會有呢個 market 啦

無獨有偶, 我正是二手區常客, 鍾意玩新野, 又唔係搵十萬八萬一個月... 就係靠賣返 D 舊野出去補貼嫁啦...