美國品牌 Earthquake Sound - MiniMe P12V2 Subwoofer 勁

KenWong@G

自1995起, 沿用多年的超重低音Y記YST-SW500(10"), 因年紀老邁又體弱多病, 再加上現今新音効的冲擊, 實在承受不了 !
最近就正式喺二手網退役 ! 接手嘅就係新貴 Earthquake MiniMe P12V2 !
之前已留意有不少師兄喺唔同嘅平台上推介此Woofer和推介雅詠音響公司有重低音半價優惠 !
係六月初的一個視聽展上, 有幸遇見雅詠嘅麥小姐, 她在場細心而又詳細的講解此系列超重低音, 即時被深深吸引住(係重低音),
重低音仲係做半價優惠, 立刻落訂 ! 等了一個月才收貨, 但我揀選自取 !
取貨當日我將電腦喇叭仔同重低音仔交給雅詠兩位同事, 亞Cat和一位男同事,
Cat姐一樣細心講解 MiniMe P12V2 功能和操作, 男同事很熱心的幫我將Woofer推落停車場 !
返家後即拆即裝即試, 用功夫熊貓 - 殘豹逃出囚室 - 那段測試,
數枝大木茅由不同方向飛插在殘豹旁地上的震盪, 千箭向下嘅壓迫感和巨石崩裂而下的震揻 !
雖不至打心口, 但靠背的梳化已震得一浪接一浪 !
再試 Tron Legacy 創戰紀, 呢套戲之低頻位勁多, 基本上係有得震冇得瞓 !
如開頭主角被捉去乘坐之T型飛船, 回力碟比賽和賽車呢三段, 之前用Y記 SW500 播放經常有啪邊情況出現, 減音量較Freq, 要就住就住去 !
但現用 MiniMe P12V2 全無顧慮, 一氣呵成, 爆炸聲的低頻點到即止唔過火, 包圍感係Y記 SW500 給不到的 !
以這個價錢給我的感覺係冇得輸 !