Lily Chan 15演唱會 剛到手…(感觸+多圖分享)

小瑟

今天先有真正聽過這張 Lily 15演唱會的唱片……好多野想講……

當然好開心今次又可以搵到Lily 同小瑟親簽呢張專輯的封面啦, 其實當日小瑟因為不在香港, 冇機會去聽 Lily 呢次的LIVE, 所以當時佢 LIVE時都冇機會可以聽到現場的感受. 而今次有機會可以上手呢隻碟, 一上手當然要睇下碟內既設計同圖片啦, 開出第一頁的內頁, 就見到一個呢個《15》的話............內容好感動, 事緣小瑟其實都係係2013年先真正認識 Lily, 當年仲好記得第一次見佢就已經係我地【陳潔麗 Purely For You 2013 演唱會預熱分享活動】我現場, 當日老實講, 的確係好驚的, 講真, 小瑟當年都係岩岩開始學人做主持冇耐, 而 Lily 係音響界之名聲又已經非常出名, 而當日小瑟仲好記得講錯左一句野令到全場爆笑左一陣子, 印象非常深刻. 而當時 Lily 的確係比小瑟感覺係一位專業的藝人, 歌手, 感覺仲係好遠好遠..........









而今次睇返佢15的話內的留言, 再加上呢幾年見佢多左, 感覺除左熟悉左之外, 亦都真係感覺到佢依家心情放開左好多, 冇左好似之前的一份要做"藝人, 歌手"的身份在身, 反而依家佢比小瑟的感覺係非常非常享受每一次有機會可以同大家唱歌, 分享佢自己的音樂, 雖然好多朋友可能會話佢都係番唱他人之歌曲, 不過依家既 Lily 所唱既歌, 已經唔再著重於要演唱別人的歌, 而係現在 Lily 可以將每一首歌, 都唱到變成佢自己的歌, 果份從容, 果份感情, 已經唔再停留在技術如何更靚聲, 如何更HiFi, 依家係完全聽得出佢對於"唱歌"這事情係開心地同大家分享自己心中的情感, 用音樂去讓大家更了解佢自己的心情同 Lily 的世界..............依家見到的是真正的 Lily 陳潔麗 自己. 睇完佢呢篇自白, 我都好有感覺....所以小瑟話好多野想講就係咁解, 雖然一年只有機會見 Lily 一次, 但每次一見佢, 佢就會好開心話 : 小瑟, 我地又見勒.......果份老友記的感覺, 加上睇埋CD中的書仔, 一路聽住佢既歌.......呢隻碟, 黎緊的15+1音樂會, 真係好想做多D野!!!!!! 當留個紀念比自己, 當留個紀念比Post76.....
















【#專訪】Lily火力全開 - 15+1演唱會兩天不重覆歌單。以答謝樂迷支持

剪片同事見小瑟咁有火去同大家分享 Lily 呢隻碟, 佢地都加緊火力去剪返個訪問比大家, 依家小瑟申請緊可唔可以係演唱會後, 簽名會後可以同 Lily 即時做個LIVE, 睇下佢演唱會後的心情呢!!!

[youtube]kLxXgQITpDs[/youtube]

lamwaikit007

一開聲對我來說是有點震撼。因為錄音錄得幾好，真的幾有現場感。而且整隻碟有番我好鍾意聽到的歌手對白。知道有些人唔鍾意有對白。但我是另外一批喜歡有對白的人。兩隻碟加埋差不多140分鐘是演唱會的7至8成了。Lily的對白令我有番對該演唱會的回憶。

問我最精彩的部份，當然便是電視主題曲MEDLEY，Lily 唱 上海灘，一個字正。

如果未買的朋友，我真是會建議可入。信和現在個價好像是138元。唔計隻DVD，2CD都值回票價了。

小瑟

岩岩更新左.......LILY果篇 《15的話》.....睇到我好有感觸呢!!!!

djdodo

會出bluray 嗎？

小瑟

djdodo 發表於 2018-9-4 23:49
會出bluray 嗎？

問過了, 因為版權太貴, 因為制作太貴, 所以15個LIVE跟本就冇請人做拍攝, 而今次15+1都係冇的......我真係好想可以記低個咁有意思的LIVE呢~~

heppy

小瑟 發表於 2018-9-5 06:30
問過了, 因為版權太貴, 因為制作太貴, 所以15個LIVE跟本就冇請人做拍攝, 而今次15+1都係冇的......我真係 ...

太可惜了

SEGA1119

小瑟 發表於 2018-9-5 06:30
問過了, 因為版權太貴, 因為制作太貴, 所以15個LIVE跟本就冇請人做拍攝, 而今次15+1都係冇的......我真係 ...

Denon AH-D7100也是我觉得好声的耳机，但用OPPO听陈洁丽有些暴殓天物哦

JimmyNgai

《15》真係好正，我反覆聽完又聽好多次
CD製作得好好，非常好地保留到現場氣氛，係Lily咁多隻演唱會live CD最好的一隻 (如果收錄Lily把聲支咪質素再好D會更理想)
Lily有咁好的製作班底如果整返隻 "xxx演奏廳" 咁樣的現場收音(加靚咪)靚聲碟應該會好正

黎緊15+1兩晚我都會去支持，好期待!

lamwaikit007

小瑟 發表於 2018-9-5 06:30
問過了, 因為版權太貴, 因為制作太貴, 所以15個LIVE跟本就冇請人做拍攝, 而今次15+1都係冇的......我真係 ...

咁明天要買埋第一場的飛了。

小瑟

SEGA1119 發表於 2018-9-5 10:00
Denon AH-D7100也是我觉得好声的耳机，但用OPPO听陈洁丽有些暴殓天物哦  ...

冇計啦，小瑟睇戲聽歌7/3比，用205聽已經好開心了。