|
|
如果想睇到更多76師兄嘅分享，快啲登入成為會員啦！
您需要 登入 收看或下載更多內容。還未成為會員？成為會員
x
(注意: 以下內容非常沉悶, 兼且無聊, 而且仲可能失禮各位坐擁名貴器材既師兄........ 如果唔啱睇或者有錯, 請各位師兄多多包涵~ 就算要打都請細力少少, 唔好打面...... 多謝)
話說小弟呢排 PAT PAT 痕, 想玩影音分家, 於是頻頻走去睇 2 CHANNEL 器材
喇叭, 擴音, CD PLAYER, 電源....... 樣樣都睇~
但一來因為銀兩唔多 
二來因為花多眼亂 
三來更加因為知識貧乏 
搞到唔知邊樣野應該先買, 邊樣野應該遲買...........所以往往都只係睇同問價, 遲遲都未踏出第一步
(旺角好多舖頭都俾小弟 "混吉" 好多次, 試完問完又無買野....... 如果各位 SALES 大佬睇到呢個 POST, 小弟首先喺喥鞠個躬先  )
個多月以來, 不斷係咁試係咁問....... 直到呢個多星期, 突然發現自己原來先天有問題 
各位師兄玩 HIFI, 往往玩得好有品味
名貴器材到手, 各位師兄都懂得欣賞佢地既優點; 就好似懂得欣賞名貴紅酒一樣 
對比於各位師兄, 小弟就顯得非常庸俗......簡直難登大雅之堂 
好多時, 小弟去試聽器材, 即使係貴價喇叭, 抑或係評價好好既擴音........小弟一聽之下, 往往都會諗 : "吓? 好好聽咩?? 我唔喜歡喎......" 
起初幾星期, 以為只係未搵到自己合心水既野, 所以無乜介懷 ; 但後來越聽越多...... 老麥, 金仔, 馬仔, Y 記, LUXMAN, JM LAB, B&W, MUSICAL FIDELITY, 連根本買唔起既膽機都試過, 發現居然樣樣都唔喜歡! 問題就嚟嘞...... (例如有次上 B&W SHOWROOM 聽 805, 一首歌都未播完, 我就已經頂唔順啲聲, 覺得好唔舒服, 叫個 SALES 熄機)
小弟發現, 原來我根本就唔識欣賞呢啲好野..........反而喜歡聽 CHEAP 野 ; 就如各位師兄識得欣賞紅酒, 小弟就只識得飲汽水一樣
而家小弟屋企, 只係用 P 記 71 做 CD PLAYER (有時甚至用 PS3 播 WAV), 加 O 記 AV AMP, 再加一對只係幾千蚊既 WHARFDALE 書架喇叭嚟聽歌~
呢個咁既 SETUP, 出嚟既聲一定好極有限 ; 如果由任何一位玩開 2 CHANNEL 既師兄法耳聽過, 都會覺得無音樂感, 動態唔夠, 力水唔夠, 背景唔夠 "黑", 無音色可言, 人聲唔夠 live, 定位唔夠準......... 總之絕對唔會收貨
但偏偏小弟發現, 自己居然喜歡聽呢種聲 
假如小弟聽唔出呢套 "幼兒玩具" 與其他好野之間既分別, 乾乾脆脆繼續飲 "汽水", 反而會開心啲
偏偏小弟分得出佢地既分別............ 咁就似乎唔係 "聽力" 既問題, 而係個人 "品味" 既問題
所以呢排, 越睇各位師兄既 post, 小弟就越覺得自己無品味
似乎, 小弟與其玩 2 channel, 倒不如投資落 AV 方面好過............ |
|
發表於 2010-1-8 11:57
樓主
發表於 2010-1-8 12:44
, 唔係紅館過D
