《異國Strange Brigade》好好玩但真係好X難玩

Pakhoo

話說前日有朋友仔睇外國Game 評網話有隻小品(其實睇返間廠「Rebellion」一啲都唔小)好好玩叫《Strange Brigade》。於是手痕入手買咗隻嚟試。結果....好好玩但真係好難玩


個故事同背景設定係1930年代嘅埃及，睇個碟面都估到九成係冒險遊戲。一開Game，唔知點解個feel 好似睇緊《奪寶奇兵》咁~~ 先講個畫風，唔好以為唔係大作就會好馬虎！呢一隻係環境用色同細微位上面都落足心機，淨係睇個大環境Setting 都算值回票價。
  

開始教學Mode 個陣我揀咗個部落角色用，一開始就知出事.....因為玩嘅係FPS時（衰衝動囉）....亦係小弟最弱個範....原本諗住呢類型係好似《DMC》個啲咁高炒角度。一來就遇到班Mummy，諗住一槍Head Shot，點知唔Work.....係都要人5槍殺一隻。一路打一路解迷，唔好以為教學就好易解，去到中間要入去一個遺跡個度完全無Hints，要諗返之前做過咩先得....真係好鬼有挑戰性。


好啦，去到開始上手個時，突然殺出幾隻大蠍子！郁得快之餘，仲好厚血，正當一邊走佬一邊諗緊點打個時，後面衝咗一批Mummy 出嚟.....好彩係教學，死唔去...一路走個陣先醒起可以用自己之前射爆嘅炸桶「裝」佢地一獲。不過呢隻Game另一個難玩之處就係，打爆咗之後唔會出現返....玩家要慢慢搵過( 係一邊走佬一邊搵 )。成件事好刺激但真係少啲技巧都好易死。
  


  
如果你問我呢隻遊戲有咩唔好，除咗真係唔可以算係新手上路作之外 ，另一個位就係佢用嘅係回合制。即你啲怪係一波波咁嚟，有少少唔似《羅拉》或者《仁皇》個種。如果你係鐘情個種嘅話，呢隻雖然未必中你口味，但玩下FPS又可以冒下險都幾刺激下~~

五粒星滿分:
畫質：三粒半
故事：三粒
可玩性：4粒
難度：四粒半