原來旺角四樓的二手黑膠舖執左！

AV仔

前日去旺角諗住上去睇下有咩買，
點知原來己經執左。
二手店又少一間！

kl122002

唔出奇, 因為好多人都轉左去做網上賣. 好過開鋪 , 唔使租
但4樓果間....你指的是同層有女僕cafe 那個吧? 我就唔太覺佢有好東西. 老世只要一見是好野, 就mark 得好貴, 有時會留俾"大客",  
而其他的, 就真是平平無奇左少少.
唯一一樣好的是佢有地方, 整齊.

old8woman

我曾經同老公一齊上過去,好野賣得好貴................

takeishi

唔怕話俾你地知呀. 我半年未去過信和啦已經. 信和. 我已經放棄左好耐啦. 根本. 我上綱買. 連運費都平過佢多多聲.

Msuper

takeishi 發表於 2018-8-23 13:11
唔怕話俾你地知呀. 我半年未去過信和啦已經. 信和. 我已經放棄左好耐啦. 根本. 我上綱買. 連運費都平過佢多 ...

  
雖然我唔係賣家我係買家，但我睇到二手店愈來愈無生存空間。因為依家個個都識自己放碟上網賣，特別講梗中文舊版碟，炒價非常高，舊年某一只大碟 LP 賣 $400~600，今年已經見到標 $1,500，只係一年已經升值過倍。網上賣家攞只碟去二手鋪，一心諗住可賣 $1,500 就算點平都要收 $1200~1300 吧，禁試問個二手店點接貨，仲要交租金，貴價入要比網上價標更貴出售，平價入根本無用家放貨。而呢班網上賣家通常有份正職有固定收入，即係賣碟唔係主要收入來源，賣唔到對他們是零影響，又唔使交租，二手店要交租又要係養活自己，兩者點比？

最近呢一年網上價錢真係癲左，求其一只碟有賣家標幾千蚊，但其實去二手店睇只是幾佰蚊貨色，依家網上的賣家個個以為自己擁有只舊版碟就係黃金鑽石，希望呢班網上賣家攞住 d 舊版碟過世！
其實二手店有個好處，你睇到只實體碟滿意及價錢接受先買，但網上賣的約當面交收，到交收時如果覺得只碟唔滿意跟網上形容有出入(或者照片跟實物有偏差)，你會拒收換一個負評定硬著頭皮有些唔滿意都照比錢？

takeishi

Msuper 發表於 2018-8-23 16:33
雖然我唔係賣家我係買家，但我睇到二手店愈來愈無生存空間。因為依家個個都識自己放碟上網賣，特別講 ...

傻啦. 信和又好. 邊度都好. 實體店又好. 綱上炒碟又好. 其實未又係一樣...............無分別架.
信和13樓個老細. 我個個禮拜都幾乎晌深水埗大榮撞到佢入貨.  好多都係炒上炒. 炒二手. 三手. 四手.
你再睇下水哥. 你追邊個架啦. 佢開咩野價. 隻隻都天價. 個個都以為炒碟可以發達. 不過~講真.
無水魚買既又點會有人炒. 最慘係. 真係有人買呀嗎. 所以未繼續有得炒囉.

Msuper

takeishi 發表於 2018-8-24 10:49
傻啦. 信和又好. 邊度都好. 實體店又好. 綱上炒碟又好. 其實未又係一樣...............無分別架.
信和13 ...

Tak兄，我知你好憎炒賣碟，其實我相信無一個買家會鍾意。
但你講到炒價又有買家受呢個現象，我諗我絕對有資格去發表下，記得2年幾前我的帖 "為了一張心儀二手CD你可以去到幾盡"，當時既我就係唔憤氣，點解要比過千蚊買只二手碟？最後我屈服了，對於儲碟既人/歌迷來講，情義結就係不能用價錢去衡量，如果你唔係當局者你會覺得呢班人傻！每個人對自己喜好總有一套價值觀，鍾意值百萬唔鍾意送比你都嫌阻掟。我夠話 d 人用幾百萬買部跑車係癲，幾十萬果部跑車唔駕得？鍾意既野無得計！
如果等了幾年，某人要搵的某一只頭版碟都係果個價位，禁呢個就係代表市場價，某人儲梗專輯全集，儲了幾年就欠呢一只，禁唔通唔入嗎？
我唔係贊成買家要買堅離地價既碟，如果只碟只是市場價不是離地價，你能力範圍可以承擔既可以買，否則其實日日上好多網落好多鋪頭鬥快搵碟，你以為唔辛苦嗎？我話比你知真係人都癲架、好大壓力同精神好緊張！況且你呢刻唔接受呢個市場價，搵了幾年都無再平既價位，真係唔入，白白浪費了幾年又等幾年？跟住幾年後個市場價又升了，真係搵自己來攪！
你好彩你唔追中文頭版碟，但如果他日你最愛的娜姐 d 碟價癲了呢…？我自問骨氣大唔過我要儲既碟！


至於你話二手店貨源炒上炒，禁如果某二手店同行家拆番來的碟都賣得出，仲交到鋪租生存到，即係呢間二手鋪賣的不是離地價啦 (分分鐘還平過網上賣) !

takeishi

Msuper 發表於 2018-8-24 16:20
Tak兄，我知你好憎炒賣碟，其實我相信無一個買家會鍾意。
但你講到炒價又有買家受呢個現象，我諗我絕對 ...

老實講. 點解我可以咁大口氣咁反對炒價呢. 因為......我早在廿幾年前已經儲碟架啦.
所有娜姐既炒價碟我都當年都已經買晒. 所以呢家先至唔駛捱炒價. 當然. 我唔係咩碟都有.
間唔屎都要硬食一隻半隻. 我同你既分別只係. 我去EBAY食炒價. 你中文碟就硬食炒碟佬,
當然啦. 如果我今時今日先儲碟既. 隻隻天價野. 你問我會唔會買. 睇下我有無咁既財力啦.
如果我有既. 我都可能會. 可惜. 我就真係無咁既財力啦. 不過~唔買炒價碟. 係唔係會死呢,.
又唔係會死既. 有無野可以取代到佢. 又唔係無架和. 講真. 炒碟. 來來去去都係D所謂頭版呀.
黑膠呀, 白版呀. 限量版. 什麼罕有希小. 講真. 唔係無第二樣野可取替呀. 唔聽黑膠. 未聽CD囉.
我都未必要咁執著要儲咁多個版本. 一隻碟. 10首歌. 來來去去都係果10隻歌. 有時諗諗下.
點解一隻碟要儲十九幾個版本. 又黑膠. 又CD, 又圖案碟. 又初版. 又復刻版. 又呢樣又果樣.
為咩野. 其實我都唔知為咩. 呢D未所謂既...........滿足自我感覺囉.

Msuper

takeishi 發表於 2018-8-24 16:59
老實講. 點解我可以咁大口氣咁反對炒價呢. 因為......我早在廿幾年前已經儲碟架啦.
所有娜姐既炒價碟我都 ...

Tak兄，係囉你都講中晒，我唔係當年 80/90年代開始儲麻，呢2年幾先起步，禁比人遲，後知後覺咪要付出代價囉！
總之嗜好/欲望總有各自一套的執著，你講中晒，我唔止要儲~屍dee、黑膠、卡式帶，白版我都要儲！

{:9_407:} {:9_407:} {:9_407:}

kl122002

有些人買碟唔睇condition 就返轉頭咬鋪, 而鋪面可以賴就賴落去另一個人上. 唔講PK都唔得

曾在就過一家2手唱片鋪幾好, 不過時至今日, 真是覺偽善. 其實黑膠唱片花, 唱針過時有少少tak 聲, 係正常的. 有些唱片舊了, 我也不會說什麼要求.
不過有些鋪自命請高, 低價的日版賣到貴一貴,
唔係真的高價唱片就扮高價,
一面廂賣花碟俾人但就唔俾人退,
另一面廂, 熟客就有熟客優惠,  某一些熟客買了花少少的, 居然可以俾人退換.
之前已有聞說有些唱片是人家寄賣的, 但都俾"熟客"去退換, 激到寄賣碟的熟客跳跳下.

甘的鋪, 我都唔想多去.