電視掛牆架與電視保養

cbkihong

剛買了部三*電視，因安裝位置問題而原廠掛牆架不是活動掛牆架，準備想買非官方活動牆架。不過做電視保養登記時看到其保用證條文提及使用非三*原裝掛牆架會導致保用證失效。有無其他師兄留意過這點？有無人試過保養期內找三*上門檢查因用了非官方牆架而被吊銷官方保養而要付錢收場？

個人覺得這種條文站不住腳。固然明白安全上的考慮，但佢電視規格表有提及具備 VESA 標準掛架開孔，如果只容許使用官方掛架他們大可以不跟標準開孔，也不應該把這點列於規格表上面 ...

我最想知道是是否可以使用非廠方活動架而不破保，或者要廠方上門檢查前要先從牆架卸下。

Paul1980

如果不是原廠掛牆架
基本上，所有廠也要求客戶在收回入廠維修前自己先從牆架卸下。
而且維修完，他們也不會幫你掛返上去，就算你付錢，他們也不會收

茶母

其實都合理嘅，廠賣電視俾你通常包坐枱安裝，基本上就咁放上櫃面，

但掛牆安裝係要另外收錢，安裝時帶工具鑽牆，工夫多咗而且要負責任，有咩跌落嚟好大件事，

試想如果唔係自己人裝點知裝時有冇問題，可以裝工唔好，用錯零件等情況令到裝拆出變數，

為免出問題時拗數，廠都係要原廠架同自己師父安裝先會負責拆機係可以理解⋯⋯

PY318

小小經驗分享啦。

本人房間都有一部Panasonic TH-L32E6H，當時買都知師傅唔包安裝非原厰掛牆架。所以預早係鴨記買掛牆架自己掛，送貨當日唔等信興師傅來就拆盒安裝，自己掛上牆等師傅來set機。

一年左右前可能因為潮濕燒底版(因此現在都不敢關大電制，只會用遙控待機模式關機)，當時問咗信興維修部，佢地都要求我地自己拆下來等師傅上門送返信興修理。

j28

我都係用三星電視55吋非原裝掛牆架三星人員上嚟維修都冇問題

j28

我嗰部係55吋ju7800