如果想睇到更多76師兄嘅分享，快啲登入成為會員啦！
您需要 登入 收看或下載更多內容。還未成為會員？成為會員
x
離開76短短兩日,發現竟然有兩個post為我而開,
當中見有素未謀面o既師兄報上暖暖問候,令我暖在心頭...
亦有幾個杏加橙經常一同家訪o既所謂兄弟,
虎視眈眈我家中的獻醜器材,真係人情冷暖.......
其實小弟所患o既病係香港第二殺手"心臟病"...
而今次入院已經係做第二次手術,
上年11月做o左第一期,而尋日係第二期,亦都係最係一期,
依家三條心臟血管裡面足足放o左七個支架,
每個盛惠$23,000(政府醫院價),計落7,1得個7....,7,7,49,
原來可以買到成套 Yamaha Z11 + Pioneer LX-91 + MK S-150 THX System..
可唔可以套現換過套機呀.......
好多師兄都問我點解無啦啦發現自已患o左呢個病呢...
話說小弟雖然唔係一個運動健將,但每個月總會踢一兩場波,
打三幾場羽毛球,亦有游水習慣,而大約三個月前小弟發現開始條氣唔順,
(當中唔少係俾呢度o的人渣網友激親)*唔該對號入座.
由一口氣游十二三個塘,變成游得三兩個塘就要停,
之後更加連行一兩層樓梯都條氣頂住,
見咁o既情況唯有安排入醫院做心臟電腦素描檢查,點知唔做尤自可,
一做醫生就同我講話三條血管裡面塞o左兩條半,
要即刻做手術,否則性命難保.........
小弟o係度提醒咁多位76兄弟,如果有番咁上下年齡,
又或者有番咁上下體型,就快o的去做o下身體檢查o勒.......
仲有醫生幫我通完波仔之後,第一句就係話千祈唔好食煙呀...
(雖然我已經介o左8年煙),
煙民們,係時間介煙o勒......
整兩張X-ray俾大家警惕o下....... |
發表於 2010-1-6 23:59
樓主
發表於 2010-1-7 00:10
