膽前級 + 石後級

koalaau

師兄行多幾間二手店聽下，旺角明昌8/f有間「鐘鼓」的貨唔太貴，亦幾願意駁俾客聽。

koalaau

just_for_uhk 發表於 2018-8-5 09:39
淨係膽種類已經五花八門,請問ching有冇邊D網站可以比小弟做下功課??
另外本地制作膽機同淘仔膽機邊個抵玩 ...

膽前級常用膽都係6922或12ax7，通常前者較hifi，後者較重味道。

膽後就先分細瓦/三幾十瓦/近百瓦/過百瓦。個人認為過百瓦唔使玩膽後，亦唔會平，用石機好過。細瓦膽如300b、2a3、845⋯等幾瓦輸出，只適宜至少90db以上高效喇叭。而三幾十至近百瓦膽機就以el34、6l6等為細力機主流，6550、kr88等就輸出較高，比較大力。

以上只是籠統舉例，世上還有很多種類的膽，個人認為選膽機之前，先了解心儀器材用乜膽是重要的，起碼聲音有個大概，而太熱門的膽換膽會較貴，太冷門的膽又怕難找，都是需要留意的。

至於石機，用甚麼功率管就等於膽機的膽，最舊款的厚身圓型功率管俗稱龜殻，音色通常比較厚暖，接近膽味，但已停產且頗有歷史，燒毀就比較難配。八十年代後的功率管外型變得扁平像梳，俗稱排骨，近代多數用這種。

當然功率管不止龜殻、排骨兩種，還有v fet（大龜）、mos fet、sit⋯，每種特性都不同，遇到心儀器材，不妨先search一下用甚麼管，也是讓心裡有個大概，方便選擇。