板長壽司..再投吞拿王 招來罷吃抗議

小龍

明報專訊】本港的板前及板長壽司再次在日本東京築地市場，以約136萬港元投得譽為「日本一」的巨型藍鰭吞拿魚。該條藍鰭吞拿魚王重232公斤，即平均每公斤售價為逾5800港元，創下近9年新高及歷來第2高的紀錄。集團將於明晚起在本港供應「日本一」的壽司。不過，此舉卻引來環保團體炮轟，昨晚已到板長分店抗議，並呼籲市民拒絕食用數目降至瀕危的藍鰭吞拿；有網民已在facebook發起本月罷吃板前壽司。

擁有板前及板長等壽司店的和之味集團老闆鄭威濤昨接受本報訪問時表示，現時本港可入口藍鰭吞拿，日本亦可繼續出售，未有任何禁售措施，他是從事飲食業的，只是購買客人想吃的食材。他說，之前有客人詢問會否再競投，並希望他可以投得，而投藍鰭吞拿亦非為賺錢，因為每件吞拿成本價高達數百元，但現時只以數十元出售，以回饋客人，慶祝新年。

根據日本築地漁市場傳統，新年的第一個工作天會舉行盛大的「初競」拍賣會，大家會以高價競投當天最肥美、視為能帶來幸運的頂級藍鰭吞拿魚；是次已是鄭威濤連續第3年投得「日本一」。

136萬元成交 創9年新高

鄭威濤形容，是次競投非常激烈，據他所知，除他以外，尚有3間日本公司、香港及澳門尚有1間公司有意競投「日本一」。他最終與日本的銀座久兵衛壽司店合作，成功以1628萬日圓（136萬港元）投得這條來自青森大間的吞拿魚王；和之味另投得一條重150公斤的藍鰭吞拿，將與部分「日本一」同時空運抵港。

這次的成交價較去年貴近七成，不過主要因為去年的「日本一」只重128公斤，故每公斤平均價較低。鄭威濤表示，這條「日本一」是近年最肥美及新鮮的一條，他原本定下的競投上限價為2000萬日圓。

WWF：不應高調招徠

藍鰭吞拿又名黑鮪，因肉質鮮美獲老饕垂青，結果惹來殺身之禍，數目直線下降。世界自然基金會（WWF）近年積極呼籲市民停食藍鰭吞拿，並認為食肆不應高調以投得藍鰭吞拿作宣傳招徠，鼓吹港人食用瀕危物種的風氣。

WWF表示，於去年7月起開始聯絡和之味集團，游說他們停止競投「日本一」及停止供應藍鰭吞拿，惟不成功。該組織昨得悉和之味再次投得「日本一」後，晚上到銅鑼灣板長壽司分店外為藍鰭吞拿默哀，並呼籲消費者拒絕食用藍鰭吞拿。

evapth

絕對應該拒絕食用藍鰭吞拿。

劉一舟

我雖然都好鍾意食吞拿魚，但WWF咁樣講都有道理，不應咁高調 (我俾咗百幾萬我都高調啦)，同埋殺戮瀕危動物，之前咪話有日本魚民殘殺海豚嘅，唉.......人類......我作為人類的一份子都覺得羞恥，但自問冇乜恆心食齋，不過食正常葷菜都無可厚非，食啲極稀罕有的就要可免則免！！！

ming

佢唔買 都有第2個買啦
抗議都無用
一係去日本抗議重好啦

evapth

佢唔買 都有第2個買啦
抗議都無用
一係去日本抗議重好啦
ming 發表於 2010-1-6 06:47 PM

ching 唔應該甘講！每個人都應盡自己的本份。

小龍

肥仔 Ricky都唔係第一次 咁做 去攪宣傳 去釣魚台抗議唔知得唔得

ricoy288

其實佢間野都唔係特別好食且貴，加上經常要等位等好耐，所以冇嘜特別興趣想去食.

LAWSON

佢投野關我地咩事丫,講真係香港咁大,佢投條魚又咁貴,咁樣分去香港,佢賣幾錢一件先返到本.
我係好懷疑佢係咪真係比呢條魚港客食.
講真佢咁樣比人知到,係唔係真係d人走去搶魚呢.我就唔係好信囉.
而家個個都渣車,人人食煙都唔環保啦, 而且日日面對添,呢d先要做野其實

junleong

用136萬黎上下報紙....全港又討論區討論下....無非都想宣傳...抵過買一日全版報紙...

粟米湯

正宗古惑商人手法...