職業特工隊：叛逆之謎 --- 沒有期望，卻有意外驚喜

cyber_look

正如標題，對於MI系列，已經拍了多套，一直心想乜橋都拍晒啦，都係伏多，但面對流流長的暑假，都係搵D戲睇下，唔趁得閒D入下戲院對唔住自己，所以第一日上映就入去睇早場。

在沒有期望之下，卻又真係有驚喜喎，雖說套路都係為世界執行任務，點知過程中遇阻礙，身邊的人到最後又好可能係利用自己，甚至是你的敵人，但往往又原來計中有計，預先鋪排，引你入局，繼而拆穿… …。

本集動作設計非常有水準，唔會浮誇，其中有幾幕幾好：頭段厠所打鬥、中段救人質車輛追截，個人覺得中途突然殺出個女警那段處理得不錯，另一個位則是車撞女殺手，內心演繹明知那個女殺手是誰，都照撞過去，心情表達都到位，至於最後空中追逐戰反而覺得不過不失。

至於扭橋拆招方面，也覺收貨，計中計、局中局，編劇都仲有貨，值得一讚。電影風格氣氛幽默依然，由Simon帶出的笑位都幾好，令整套電影緊張刺激得來亦帶有緩和的感覺。

對整套戲而言，在沒有太大期望之下，意然給我意外驚喜，實在不俗，昨日朝早睇完後回味無窮，搞到我昨晩心思思重溫頭5集，上apple tv睇原來頭5集package，$248.，仲要係4K，即買，開心重溫中。


p.s.：打文之際偶然看到此片原來在外國很多平台上評分極高，果然係出色之作。

mdo

早前看過製作特輯，直升机那場是實境拍攝，不是CG。Tom Cruise真係走去學咗幾個月直升机，戲中大部份直升机戲是他親身駕駛的。

jc2ssych

奇洛和tom cruise都是十分值得尊敬的動作片演員。
不只靠好看的外表，內裡功夫都好扎實。

cyber_look

mdo 發表於 2018-7-28 01:02
早前看過製作特輯，直升机那場是實境拍攝，不是CG。Tom Cruise真係走去學咗幾個月直升机，戲中大部份直升机 ...

哦! 原來背後有故事, 勁!

gashapon

我自己咁多集都有睇, 不過有段時間我係覺得拍得麻麻而唔想再追看, 不過上集我覺得係成個系列最好的一集, 所以呢集知道是"後續"因此都會搵時間去睇. 不過有時都同意佢阿頭講的"好多時係好運才成功" (但明白劇情上要咁先緊張)

chwch

最好睇
5, 4, 6, 1, 3, 2

cyber_look

gashapon 發表於 2018-7-28 16:52
我自己咁多集都有睇, 不過有段時間我係覺得拍得麻麻而唔想再追看, 不過上集我覺得係成個系列最好的一集, 所 ...

係呀! 正常情況下, 遇到咁多處境, 已經死左好幾次啦, 哈哈

但係偏偏幸運得來又唔會批評套戲橋段太造作喎

阿定

今集堅返晒來，故事，打鬥，幽默都做得好到位，原本係為直升機果場戲入場

iamraymond620

今日都睇左, 因為我自己覺得雙數集係差小小(由其第2集我未試過完整睇完一次)
今次接受mission把聲好悶有d長,無之前咁爽快咁型, 一路落有d亂既對d人物情節做緊咩, 慢慢去到廁所打鬥後開始好d, 一路到最尾真係好緊張
都見議未睇既都睇番上集Rogue Nation,都有d關連

另有小小有趣發現: 原來Ethan Hunt 既品味好一致, 佢新情人同佢老婆(前妻?)好似樣

正宗球迷

今集係幾好睇, 車戰, 空戰, 格鬥都有.仲要係好睇.
動作場面係精彩,同時交代ethan感情方面都好好, 過往幾集前妻一路都係路過,過境,冇乜專登交代到底仲會唔會再見,
反而不斷有離方人借勢出口述話捉佢,,呢招用左幾次. 今集對口對面詳細兩人再講多次, 同時同新女友一段,借黑人拍檔個口講出黎,
動靜有齊.

過去做開IM大隊長既都要冇埋,呢下艾力寶雲個情況, 個人覺得幾可惜.

其實鷹眼仲有冇可能出, 呢家做左兩集過客就冇哂聲氣, 大隊長會唔會女黑人做埋?

上集既開畫成績,好快落實會開呢集. 今集照睇個成績唔會差, 阿里巴巴應該會再科水.

其實大陸電影公司, 好似呢套係阿里,又冇乜過份大陸投資本色,出大陸產品同同用大陸演員.